เนฮะมี 3 - Northern Pwo Karen Thai Bible

ทอางกีล้าง ทแม้ ล ฆ๊างๆ

¹ ฌ้อง โพล้งลื่งเท่ออคูดูทึ เอลียาชี, เฌ้เทิงทาง ล พ๊าฆ่าง ดี๊ อ น๊างพื่งวี่ พี่ เก โพล้งลื่งเท่ออคู, อ ซื๊งเว๊ นี่ ไต้ทาง ป้ะตู๊ง แกะ, ดี๊ นี่ เช๊งแม้เกล้ง เว๊ ม๊า อฌี้อแอว้, ดี๊ นี่ ท๊างทาง พ้าแย๊, อ ซื๊งเว๊ นี่ แม้ ทไฌ่ อางกี ฌี้ กางแป ม๊า เว๊ อฌี้อแอว้, ท้อง ลู่ง ซึ้พู อ แฌ้ ล แย้ อ ทล่างคุ้แคว่จู้เท่อ, ลี้ไย้ ท้อง ทล่างคุ้แคว่จู้เท่อ ฮานางเอง

² เท่ง ดี๊-อ้ะ นอ, โพล้ง เยรีโค เก โพล้งไต้ทาง เท่อ, ดี๊ เท่ง ดี๊ อ ซื๊งเว๊ เด้าะ นอ, อีงรี อ พู ซ้ะเกอ เก โพล้ง ไต้ทาง เท่อ

³ ดี๊ ฮะเซนาอา อ พู อ ลี้ง นอ ไต้ทาง ป้ะตู๊ง แยพู, อ ซื๊งเว๊ ช๊างล้าง พ้าแย๊ โท่ง, ดี๊ ท๊างทาง พ้าแย๊ ไต้ะทาง เว๊ อ เจ้ ดี๊ อ เจ้ล่าง

⁴ เท่ง ดี๊ อ ซื๊งเว๊ เด้าะ นอ, เมะเว๊ เมเรโมะ พี่ เก อูรียา อ พู, อูรียา นอ เก ฮะโคะ อ พู, อ เว๊ แม้ฌี้ไท้ เท่อ, ดี๊ เท่ง ดี๊-อ้ะ เด้าะ นอ เมะเว๊ เมชูลาง พี่ เก เบเรคียา อ พู, เบเรคียา นอ เก เมเชซาเบง อ พู, อ เว๊ แม้ฌี้ไท้ เท่อ, ดี๊ เท่ง ดี๊ อ ซื๊งเว๊ เด้าะ นอ เมะเว๊ ซาโด พี่ เก บาอานา อ พู, อ เว๊ แม้ฌี้ไท้ เท่อ

⁵ เท่ง ดี๊ อ ซื๊งเว๊ เด้าะ นอ เก โพล้ง เทโคอา, อ ซื๊งเว๊ แม้ฌี้ไท้ เท่อ, แบเด้าะ อ ซื๊งเว๊ อ เพล่ดูแม้เท่อบลางพ้า ลแพ นอ, ล แบ อ ซ้ะ แม้ เท่อ ลู่ง อคูอแน่ ลแพ นอ อ ทยู่ทแคว่ พ้า แบ

⁶ ดี๊ ปาเซอา อ พู เมะเว๊ โยยาดา, ดี๊ เบโซไดอา อ พู เมชูลาง นอ แม้ฌี้ไท้ ป้ะตู๊ง ล่างลี้ง, อ ซื๊งเว๊ ช๊างล้าง พ้าแย๊โท่ง, ดี๊ ท๊างทาง พ้าแย๊, ไต้ะทาง ป้ะตู๊ง อ เจ้ ดี๊ อ เจ้ล่าง

⁷ เท่ง ดี๊ อ ซื๊ง เด้าะ นอ, โพล้ง พี่ อ แม้ฌี้ไท้ เท่อ นอ เมะเว๊ เมลาตียา โพล้ง กีเบโอง, ดี๊ ยาโดง โพล้ง เมโรโนะ, โพล้ง เว่ง กีเบโอง ดี๊ เว่ง มีซปา, พี่ โอ ลู่ง โพล้ง โพะคอง เว่ง ที๊ง ยูเฟตี กล้อง แว่โค๊แพ้ ลู่ง มื่งนึ ล โค๊ นอ อ ท โพะคอง พ้า

⁸ เท่ง ดี๊ อ ซื๊งเว๊ เด้าะ นอ เก ฮาระฮายา อ พู เมะเว๊ อุ้ซีเอง, อ ซื๊งเว๊ เก ซแล้ แม้ ท๊อง อ ซื๊ง แม้ฌี้ไท้ เท่อ, เท่ง ดี๊-อ้ะ เด้าะ นอ เมะเว๊ ฮานางยา, เก โพล้ง ล แฌ้ ลู่ง โพล้ง แกย้ ทน๊าม๊า พี่ อ น๊ามึ ลแพ นอ อ แกล้, อ เว๊ แม้ฌี้ไท้ เท่อ, อ ซื๊งเว๊ แม้ฌี้ไท้ เยรูซเลง ลี้ ไย้ ท้อง ลู่ง กางแป พ้ะเล่

⁹ เท่ง ดี๊ อ ซื๊งเว๊ เด้าะ นอ เก เฮอ อ พู เมะเว๊ เรไฟยา, พี่ อ โพะคอง โพล้ง เยรูซเลง อ ทล่าง ล พุ้พ๊าง นอ นี่ แม้ฌี้ไท้ เท่อ

¹⁰ เท่ง ดี๊ อ ซื๊ง เด้าะ นอ เก ฮารูมะ อ พู เมะเว๊ เยดายา, อ เว๊ แม้ฌี้ไท้ เท่อ พี่ กแท้ โละซ้ะ ดี๊ อ เด้า, ดี๊ เท่ง ดี๊-อ้ะ เด้าะ นอ เก ฮาช้ะเนยา อ พู เมะเว๊ ฮะทะ อ เว๊ แม้ฌี้ไท้ เท่อ

¹¹ ฮารีง อ พู มางคิ้ยา, ดี๊ ปาฮะโมอะ อ พู เมะเว๊ ฮะชุ้ นอ, แม้ฌี้ไท้ เท่อ ล น้าง ได้ะ, ดี๊ ทล่าง คุ้แคว่จู้ ฆู่ง เท่อ

¹² เท่ง ดี๊-อ้ะ เด้าะ นอ เก ฮางโลเฮะ อ พู เมะเว๊ ชางลูง, พี่ อ โพะคอง โพล้ง เยรูซเลง อ ทล่าง ล พุ้พ๊าง, อ เว๊ แม้ฌี้ไท้ เท่อ, เลา ดี๊ อ กแช่ ดี๊ อ พูมืง ซีงลแพ นอ ล้อ

¹³ ฮานู ดี๊ โพล้ง เว่ง ซาโนอา นอ, แม้ฌี้ไท้ ป้ะตู๊ง ลู่ง ทลู่ง คางไท้ะ, อ ซื๊งเว๊ ไต้ทางไท้ ป้ะตู๊ง อ ซ๊าง, ดี๊ ท๊างทาง พ้าแย๊, ไต้ะทาง ป้ะตู๊ง อ เจ้ ดี๊ อ เจ้ล่าง, ดี๊ แม้ฌี้ไท้ กางแป ลี้ อ ไย้ อ เบ้า คี๊ง แย้ คี๊ง ชี๊ง ไคล๊, ลี้ ไย้ ท้อง ป้ะตู๊ง ทโซยะทซย้าง อ โป้ง

¹⁴ เรค้ะ อ พู มางคิ้ยา พี่ อ โพะคอง เว่ง เบฮะเคเรง นอ, แม้ฌี้ไท้ ป้ะตู๊ง ทโซยะทซย้าง อ โป้ง, อ เว๊ ไต้ทาง ดี๊ ท๊างทาง พ้าแย๊, ไต้ะทาง ป้ะตู๊ง อ เจ้ ดี๊ อ เจ้ล่าง

¹⁵ โคงโฮเซ อ พู เมะเว๊ ชางลูง พี่ อ โพะคอง เว่ง มีซปา นอ, แม้ฌี้ไท้ ป้ะตู๊ง ที๊งทางชุ้, อ เว๊ ไต้ทาง ดี๊ ซุ้ทาง เว๊ อ คู, ดี๊ ท๊างทาง พ้าแย๊, ไต้ะทาง ป้ะตู๊ง อ เจ้ ดี๊ อ เจ้ล่าง, อ เว๊ ไต้ทาง กวี้ง เชลา อ กางแป, ท้อง ลู้ง กจุ้แฆว้ อ โซ๊ง เซง, ลี้ ไย้ ท้อง ฆ๊าง พี่ ช๊างล้าง อ ซ้ะ โอนี่ ลู่ง เว่ง ดาเว

¹⁶ เท่ง ดี๊-อ้ะ เด้าะ นอ เก อาบู อ พู เมะเว๊ เนฮะมี, พี่ อ โพะคอง ทล่าง เบะซู ล พุ้พ๊าง, อ เว๊ แม้ฌี้ไท้ เท่อ ลี้ ท้อง ลู่ง ทล่าง พี่ กแท้ โละซ้ะ ดี๊ ไล๊ พ้า เคิงล้างบ้า ดาเว อ จู, ท้อง กวี้ง เคิงนี่ ดี๊ ท้อง ซึ้พู อ ทล่างโอซยอง

¹⁷ เท่ง ดี๊-อ้ะ เด้าะ นอ โพล้ง เลวี แม้ฌี้ไท้ เท่อ, เก บานี อ พู เมะเว๊ เรฮูง, เท่ง ดี๊-อ้ะ เด้าะ เมะเว๊ ฮาชาบียา พี่ อ โพะคอง ทล่าง เคอีลา พุ้พ๊าง, อ เว๊ แม้ฌี้ไท้ เท่อ พี่ เก อ ทแม้ ล น้าง

¹⁸ เท่ง ดี๊-อ้ะ เด้าะ นอ เก อ ซื๊งเว๊ อ น๊างพื่งวี่ แม้ฌี้ไท้ เท่อ, เมะเว๊ เฮนาดะ อ พู บีงนวี พี่ อ โพะคอง เว่ง เคอีลา พุ้พ๊าง

¹⁹ เท่ง ดี๊-อ้ะ เด้าะ นอ เก เยชูอา อ พู เมะเว๊ เอเซอ, พี่ อ โพะคอง เว่ง มีซปา, อ เว๊ แม้ฌี้ไท้ เท่อ ล น้าง ได้ะ, กแท้ โละซ้ะ ดี๊ เกล้ ลี้ทาง ลู่ง ทล่างอางกีซยอง นางดึ้นางชาง, พี่ โอ ฆ้าง ดี๊ กางแป อ โนง

²⁰ เท่ง ดี๊-อ้ะ เด้าะ นอ เก ซะไบ อ พู เมะเว๊ บารุ้, แม้ฌี้ไท้ เท่อ ดี๊ ทคู่เซิงโฌ้ซ้ะ ล น้าง ได้ะ, ล โค๊ ลู่ง กางแป อ โนง, ลี้ ท้อง ลู่ง โพล้งลื่งเท่ออคูดูทึ เอลียาชี อ เด้า อ ป้ะตู๊ง นอ

²¹ เท่ง ดี๊-อ้ะ เด้าะ นอ เมะเว๊ เมเรโมะ, พี่ เก อูรียา อ พู, อูรียา นอ เก ฮะโคะ อ พู, อ เว๊ แม้ฌี้ไท้ เท่อ ล น้าง ได้ะ, ล โค๊ ลู่ง เอลียาชี อ เด้า อ ป้ะตู๊ง ท้อง ลู่ง เอลียาชี อ เด้า ล่างไค๊

²² เท่ง ดี๊-อ้ะ เด้าะ นอ, เมะเว๊ กเย่ โพล้งลื่งเท่ออคู พี่ โอ วะๆ, ว๊างๆ, นอ, แม้ฌี้ไท้ เท่อ

²³ เท่ง ดี๊ อ ซื๊งเว๊ เด้าะ นอ เมะเว๊ เบงยามีง, ดี๊ ฮะชุ้ แม้ฌี้ไท้ เท่อ, พี่ โอ กแท้ โละซ้ะ ดี๊ อ ซื๊งเว๊ อ เด้า, เท่ง ดี๊ อ ซื๊งเว๊ นอ เก อาซารียา พี่ เก มาอาเซยา อ พู, พี่ เก อานานียา อ พู, อ เว๊ แม้ฌี้ไท้ เท่อ ลู่ง อ กแช่ อ เด้า ฌ๊างไท้ะ

²⁴ เท่ง ดี๊-อ้ะ เด้าะ เก เฮนาดะ อ พู เมะเว๊ บีงนวี, อ เว๊ แม้ฌี้ไท้ เท่อ ล น้าง ได้ะ, ล โค๊ ลู่ง อาซารียา อ เด้า ลี้ ท้อง กางแป อ โนง

²⁵ อูไซ อ พู เมะเว๊ ปาลาง นอ, แม้ฌี้ไท้ เท่อ พี่ โอ กแท้ โละซ้ะ ดี๊ ท อ โนง, ดี๊ ทล่างคุ้แคว่จู้เท่อ, พี่ อ ชิ้ลื๊อนี่ ลู่ง บลาง ท้ะโค๊ คะ, ลู่ง ทล่าง ซึ้พู ยู่ทะแคว่ทะ กจุ้แฆว้ อ คว้าง พ้า, เท่ง ดี๊-อ้ะ เด้าะ นอ เก ปาโระ อ พู เมะเว๊ เปดายา

²⁶ ดี๊ เพล่บาง พี่ อ แม้ เท่อ คระ ลู่ง เว่งฮ๊าง พ้า, พี่ โอ ลู่ง โอเฟง พ้า นอ, อ ซื๊ง แม้ฌี้ไท้ เท่อ ลี้ท้อง ลู่ง ทล่าง, พี่ โอ กแท้ โละซ้ะ ดี๊ ป้ะตู๊ง ที๊ง ลู่ง มื่งทาง ล โค๊, ดี๊ ลู่ง ทล่างคุ้แคว่จู้เท่อ พี่ อ ลี้ ชิ้ลื๊อฆ้าง นอ

²⁷ เท่ง ดี๊-อ้ะ เด้าะ นอ เมะเว๊ โพล้ง เทโคอา, อ ซื๊ง แม้ฌี้ไท้ เท่อ ล น้าง เด้าะ, พี่ โอ กแท้ โละซ้ะ ดี๊ ทล่างคุ้แคว่จู้เท่อ พ้ะดู, พี่ ลี้ ชิ้ลื๊อฆ้าง ลี้ ไย้ ท้อง ลู่ง โอเฟง อ กางแป

²⁸ กเย่ โพล้งลื่งเท่ออคู นอ, แม้ฌี้ไท้ กซี อ ป้ะตู๊ง เช๊คู ทาง ท้ะโค๊ แพ้, ล แฌ้ๆ, แม้ฌี้ไท้ เท่อ ลู่ง ทล่าง พี่ กแท้ โละซ้ะ ดี๊ อ กแช่ อ เด้า

²⁹ เท่ง ดี๊ อ ซื๊งเว๊ เด้าะ นอ, เก อีงเมอ อ พู เมะเว๊ ซาโด, อ เว๊ แม้ฌี้ไท้ เท่อ พี่ โอ กแท้ โละซ้ะ ดี๊ อ เด้า, เท่ง ดี๊-อ้ะ เด้าะ นอ เก เชคานียา อ พู เมะเว๊ เชไมยา, พี่ เก โพล้ง โอคุ้แคว่ทะ ป้ะตู๊ง ลู่ง มื่งทาง ล โค๊ อ เว๊ แม้ฌี้ไท้ เท่อ

³⁰ เท่ง ดี๊-อ้ะ เด้าะ นอ, เก เชเลมียา อ พู เมะเว๊ ฮานางยา, ดี๊ ซาล้ะ อ พู ฆู๊ง แฌ้ ล แฌ้ เมะเว๊ ฮานู, อ เว๊ แม้ฌี้ไท้ เท่อ ล น้าง, เท่ง ดี๊-อ้ะ เด้าะ นอ, เก เบเรคียา อ พู เมะเว๊ เมชูลาง, อ เว๊ แม้ฌี้ไท้ เท่อ พี่ โอ กแท้ โละซ้ะ ดี๊ อ ล่างมี๊ง นอ

³¹ เท่ง ดี๊-อ้ะ เด้าะ นอ เมะเว๊ มางคิ้ยา, พี่ เก ซแล้ แม้ ท๊อง ล แฌ้, อ เว๊ แม้ฌี้ไท้ เท่อ ลี้ ไย้ ท้อง ลู่ง เพล่บาง, พี่ อ แม้ เท่อ คระ ลู่ง เว่งฮ๊าง นอ อ เด้า, ดี๊ โพล้ง แม้เละแม้แค้ เท่อ อ เด้า, พี่ โอ กแท้ โละซ้ะ ดี๊ ป้ะตู๊ง แคว่ที๊ง ซึ้พู, ลี้ ท้อง ลู่ง ท้ะโค๊ คะ พี่ ฆ้าง ดี๊ ทโนง

³² ดี๊ ล่างมี๊ง ท้ะโค๊ คะ ลู่ง ทโนง, ดี๊ แกะ อ ป้ะตู๊ง เบ้าช้า นอ, กเย่ ซแล้ แม้ ท๊อง, ดี๊ โพล้ง แม้เละแม้แค้ เท่อ ลแพ นอ, แม้ฌี้ไท้ เว๊