मरकुस 4 - नाहाली

पेरणारान वार्ता

¹ पोशो तो समुंद्रकिनारापूर उपदेश आपणे लागिल; तेवी तान आहने जुलुम मोठलो समुदाय जोमनो केरीन तो समुद्र्माय एक नावीम जाइन बोहील, एने आखा माणहे समुद्रकिना-यापोर बोहील.

² ओवतो तो तो ताहाच दाखले आपील, मोकतव वार्ता हिकाडू लागिल एने हिकाडते ताह कियील,

³ “होमल! देखू, एक पेरणार पेरणेन केरीन केरता निकलील.

⁴ एने तो पेरीन त येतो कांही भी वटव पुर पोडवएने चिडा आवीन तान भी खाइन गीया,

⁵ कांही भी केठव जोमनि पोर पुडील, ओहला जागे का मातड्याम जादा नाहांऐतव तान भी जेल्दव उगिल,

⁶ एने ताहेरया सूर्य उगनो, तेवी बारो देरीन लतामाय तान मूल जेल्दव हुकव गीया.

⁷ कांही भी काटामाय पोडाल, तान उगिल पुण काटानव जेसे तान वढ निवाडील, रीनकेरीन ताह पिक आवो नाहं.

⁸ कांही भी हाजो जोमनि पोर पोडील, तान हाजी वढ एनी तान पिक आवो; ता तान तीस गुणा, साठ गुणा एने शंभर गुणा फोल आवो.”

⁹ ओवतो तो यीशु ने कियील, “न्यानहेऱ्यो कान हेते तो होबलो.”

वार्तान उद्देश

¹⁰ ओवतो तो ताहेरया यीशु एखालो एतो, तेवी ता जागापूर तान आहने बारा चेलाहेर्या जा माणहे एता वार्ता ज्याह देखाडणेव फुसील.

¹¹ यीशु ताह कियील, “तुमूह तर बोगवान राज्यान रहस्य कियील केणेम तुमूह आपील हिताहापूर बाहेर्रीन माणहाह वार्ता आपील केणेम आवी.”

¹² जानकेरता का तास “देखव लेजव पुण देखणे नाहा एने होम्लावा लेजव पुण मालूम नाहा तान मोनान पालट एहू नाहा एने तान क्षमा जुडणे नाहा.”

पेरणारान वार्तान अर्थ

¹³ तो ताह कियील, “जर तुमूह ज्या वार्तानह होमजाडणे नाहं तर ओवतो तो काल्लो देखाडणेव केव एने समजव?”

¹⁴ खेतावलो जो भी पेरणेन तो म्हणजे वचन पेरणेन.

¹⁵ वात पुर वचन पेरीन जातेह तावालो माणहे हे हेते का जो चन होम्लावा लेनो पुण चालूच शैतान आवीन तामायलो वचन चोर एने लेणे.

¹⁶ एने कांही माणहे इही हेते का ता सापराट्यो जोमनि पोर फिरीन वचनानगेत, ताहेरयो तो वचन होंबलेह रेणू एने चालूच आनंद लेनो.

¹⁷ पुण तामाय मूल नाह एतो केरीन तो कांही टाइम वचनामाय स्थिर रेतेह एने तान ओवतो तो ताहेरया वचनाव जेसे तां पोर संकट आवी एने त्रास एता तेवी चालूच तो आपणो एने विश्वास सोडीन आपणु.

¹⁸ एने दिहरा माणहे इही हेते का जो काटामाय पुडील भी सारकोस तो ज्या माणहे हेते का तो वचन होम्लावा लेनो.

¹⁹ पुण माणुह जगा नामाय चिंता धन, पोयशा ज्यांन लालुचमाय एने दिहारीन वस्तु प्राप्त केरणेन ईच्छा ज्यामाय हि एने तो वचनामाय दाबव टाकताला तावजेसे वचनामाय फोल आविह नाहं.

²⁰ एने कांही माणहे ताभी प्रमाणे हेते जो भी हाजो जोमनि पोर पुळव ल, तो ज्या माणहे हेते का वचन होमेलनू एने मनन केरणू तामाय फोल आवी तो तान स पट्ट साठ पट्ट एने शंभर पट्ट पेक्षा ज्यां होवटो आवी.

दिवान वार्ता

²¹ ओवतो तो यीशु ताह कियील, “काय कायताहा दिवह तान केरता लावा आवते का ताह खाटला बुंदे मेलणे नाहं शकणे? काय दिवह उपेर मेलणे केरीन लाव नाहं?

²² काहाकाय कांही इही कांही रहस्य कियील नाहं का तो उघडकव स आवूह नाहं एने कांही प्रसिद्ध एहू नाहा इही रहस्य कियील नाहं.

²³ जाह कान हेते तर होबलव.”

²⁴ पोशो तो ताह कियील, जे सावधान रेव तुमूह होमेलनू तापोर एने जा मापासे तुमु मापहु ताच मापासे तुमरे केरता भी मापाय. तुमूह जास्त आपणे माय आवी.

²⁵ न्यानहेऱ्यो हि ताह आपील जाय न्यानहेऱ्यो नाहं ताफाय जो कांही हेते तो देखव पासाणरीन रहस्य जाईल जाय.

उगणारा बीजान वार्ता

²⁶ “पोशो तो कियील बोगवानान राज्य इही हेते का जोहलो कूण माणुह आपणो जोमनि पोर पेरणेन,

²⁷ रातव हूव एनेएने दिह उठिल एने तास भी उपेर बीजआवील देखायील ते केव एने एय गीयो ते ताह मालूम नाहं.

²⁸ जोमनि पोर आपो आप पिक आपीह पेल्लाचने बीज उवतू तो केनेंह उवतू तो केहामायवला भूरिनदान.

²⁹ पिक तियार इयेलपूर तो लागीच दातलो पिरिह, काहाकाय काट्नेन टाइम आवी हि.”

राईन दाणान वार्ता

³⁰ तान सोराह तो ताह कियील, “आपु केव एने केहू शकणे का बोगवानान राज्य केव एने हेते? जर ते कायताहा वार्तामाय मांडो?”

³¹ ते राई एने दाणानगव त हि तो जोमनि माय पेरनेबुखव जोमनि पोर पोरिनला आखा दानापरिन आत्या एतो,

³² तेभी पेरणे बादमाय उघाडीन आखा झाडापालामाय मोठू एतो एने ताह ओहला मोठा मोठा डालखा फुटणु आकाशावला चिडा तान सावलामाय एने स्तव केरता आवी.

³³ याच मोक्तास दाखले आपिन तो ताह वार्ता किथी याच तो ताह तान ग्रहण शक्तव प्रमाणे किथी याच.

³⁴ एने वार्ताशिवय तो ताह कांही किथी नाह पुण ताहेरया तो आपणो चेलाहेऱ्या एयस तेवी ताह आखा कांही होमजाडव किथी इही.

वाराह शान्त केरणो

³⁵ तान दिह ताहेरया हांजपुर एनी यीशु ताह कियील चाला आपु पुरले उखव र जाहू.

³⁶ तान केरता तो ता गर्दव सोडीन तो नावीम एतो ताहलोच ताह लावा गीया ताहेर्यो कांही नाव एती.

³⁷ ओवतो तो मोठा वादलो उठणो एने जावटो नाव एने पोर इह्केरीन आदळत एता का तान नाव पाण्यानकेरीन भोरणे लागिल.

³⁸ यीशु नावीन पासाण भागाम उशास लावा हूव गीयो एतो तेवी ताह ता जागे केरीन कियेल, गुरुजव आपु बुळव हि हेते तेभी आपुह कांही लागणे नाहं काय?

³⁹ तेवी यीशु उबरीनरेणू तान वाराह चेतावणी आपील एने जावटाह कियील ठावको रीन एने, उभू रीन एने तेवी वरा पोडवएने अगदव ठावकु कु एय गीयो.

⁴⁰ पोशो यीशु ताह कियील, तुमूह काबी तेह? तुमूह एविवोर विश्वास नाहं काय?

⁴¹ तेवी तो जादा बिईल एता एने आपसामाय एकमेकाह कियेल, “हा हि तेभी कूण का वारा पाणव पुण ज्यान होमेलनू?”