मरकुस 15 - नाहाली

पिलातुसान सामने यीशु

¹ उवतू तो वेगो एताच मुख्य याजक, डाय डाया, एने शास्त्री, न्यायसभा ओगांण निर्णय केरीन यीशुह बांदाडीन, पिलातुसान आथे होप देना.

² पिलातुस ताह फुसील, “काय तू यहूद्यांन राजा हि?” तो ताह उत्तर आपील कियील, “तू स्वताह किथी हि.”

³ एने मुख्य याजक तापोर जुलुम वातन दोष लागाड ताला.

⁴ पिलातुस ताह पोशो फुसील, “काय तू काहीच उत्तर आपण्यू नाहं, देख ज्या तार विरुद्धामाय कोलाक दोष लागिल हेत?”

⁵ पुण यीशु काहीच उत्तर आपील नाहं ज्यो देखन पिलातुसाह आश्चर्य लागनो.

यीशुह मोत दण्डना आज्ञा

⁶ ता वल्हानडन तीवारान टाइम ता तान मांगणेन काल्लो एक माणहाह बोन्दि सोडीन ता जाह चाहताला, तान केरता सोड देताला.

⁷ एने बरब्बा नावान एक नावलायेल गुंडो बोंदव माय एतो, जो बलवे माय खुन केरील एतो.

⁸ एने गेर्दव ताह उपेर जाइन एने विनंती केरणे लागिल का ताहोलोज तू केरतीन आवूह का ताहलोच आमरेहेयो केर.

⁹ एने पिलातुसान ताह उत्तर आपील, “काय तुमूह लागीह का मी यहूद्यांन राजाह तुमरीम केरता सोड देव?”

¹⁰ काहाकाय तो जाणतालो का मुख्य याजक ताह कुयराये से देरायेल एता.

¹¹ पुण मुख्य याजक माणहाह इही उत्साहित केरील का तो बरब्बाहुज आमरे केरता सोड देव.

¹² पिलातुसान पोशा उत्तर आपील, “ज्याह तुमूह यहूद्यांन राजा केणु तान मी काय केरणे?”

¹³ ते पोशा आयळव ल, “ताह क्रुस पोर चेढाऊ”

¹⁴ पिलातुसान ताह कियील, का, तान काय वाईट केरील हि? पुण ते उंजू जोरेस आयळवज्या, “क्रुस पोर चेढाऊ”

¹⁵ ते पिलातुस गर्दव संतुष्ट करीन ईच्छा बरब्बाह तान केरता सोडीन आपील, एने यीशुह चापकाने मारीन क्रुस पोर चढाव ने केरता ताह आप दियील.

यीशुन अपमान

¹⁶ उवतू तो शिपाई ताह कचेरीन माय लावा गीया एने ताहरी तास रोम शिपायांना हादाडळव एक्ठाच केरील.

¹⁷ तास ताह जांमण्या फाडका पेराव एने काटान मुकूट गुथव तान मुंडव माय पेराव रेय,

¹⁸ एने ता ताह नमन केरीन ताह, “यहूद्यांन राजा, तारो जयजयकार इही केणे लागा”

¹⁹ ते तान मुंड पोर जेड्या केरीन देतेन एने तां पोर थुपते रेणा, एने मांडा टेकिन ताह प्रणाम केरणे लागा.

²⁰ जेवी ता तान मजाक केरीन चुकवतेवी जांमण्या फाडका काड लावा उवतू तो ताणुच फाडका रीन गाडव आपील एने ते ताह क्रुस पोर चढावने केरता बाहेर लावा गीया.

यीशुह क्रुस पोर चढ़ावनो

²¹ तास आलेक्सांद्र एने रुफुसान आबुक शिमोन नावान एक कुरनेकर जे गावामाय रीन आविह एता बिन काम ताह देरीनजानकेरता का ते यीशुन क्रुस एने विसीन लावा जाहू.

²² एने ता ताह, “गुलगुथा” नावान जागे लावा आवो, ज्यान अर्थ हि, “काटव जागे लावा.”

²³ एने तास ताह पित्तमिश्रीत अंगूररस आपणेन प्रयत्न केरील, पुण तान लियेल नाहं.

²⁴ तेवी ता ताह क्रुस पोर चेढ़ाइल एने तान फाडकान केरीन चिठ्या टाकील एने कूण काय जुडव एने ता वाट लव जाईल.

²⁵ तेवी तास ताह क्रुस पोर चेढ़ाइल तेवी वेगोचने नऊ वाजनो एता.

²⁶ एने तान दोषारोपान लेख तान मुंडव पोर लागाड्या का ज्यू “यहूद्यांन राजा” इही लिखील एता.

²⁷ ता ताहेऱ्यो दुय लुटणारा भी क्रुस पोर चेढ़ाइल, एकाह जेव डव उगे एने दिहराह डाखरिन उगव क्रुस पोर चेढाविल.

²⁸ तेवी प्रिनित्रशास्त्रान तो वचन ता अपराधियो हेर्यो मोजाय गीया यु पुरो एनो.

²⁹ एने तान मार्गे जाणारान मुंडे आलाडी आलाडीन ज्यो केयेल तान निंदा केरताला, अरे मंदिर पाडव पोशो तान दिहामाय बांधणार,

³⁰ जव वाह वोचाड एने क्रुसपूर रीन उतरीन आव.

³¹ ज्या प्रमाणे मुख्य याजक भी शास्त्र्यांहेऱ्यो मिलिन तान थट्टा उघाडव किथी एता ताह दिहरा वोचाडवपुण जव वाह वासाडूहु शकवनाहं.

³² ऐव एने हे मसीह इस्राएलान राजा क्रुसापोर रीन बुंदे उतरीन आव तेवी आमु देखहुं एने विश्वास केरहू, एने जां ताहेर्या क्रुस पोर चेढ़ाइल एता, ताभी तान निंदा केरताला.

यीशुन मोत

³³ जेवहव हिराणन बारा वाजवगीया तो आखा देशाम आंधारो फेयलावा गीयो एने तान वाजव ताहउर रेणू.

³⁴ एने तान वाजता यीशु ने मोठ्लो आयडीन कियील, एलोई, एलोई, लमा शबक्तनव? ज्यान अर्थ हि, “हे मारो बोगवानाना, मारो बोगवानाना तू माहु का सोडीन आपील?”

³⁵ उवतू तो जे आहने उबरीयेल एता, तामायरीन केतेहेजोये हे होयलू कियेल, देखू तो तर एलीयाह आयेड थी.

³⁶ एने कूण दोव ळतव जाइन स्पंज आंबेने भूरिनएने जेड्या मेलावा सुहुने आपील एने केहू लागिल, देखव एलिया ताह बुंदे उतारनेन आवथू का नाहं.

³⁷ तेवी यीशु ने जोरेस आयडीन जव एने सोडील.

³⁸ एने मंदिरामाय वालू पोडदु उपेरीन नेचोवूर फाटव दुय भाग एय गीया यो.

³⁹ तेवी सुभेदारान जो ताहरी ओगांण उबरीनइतू तान ज्या प्रमाणे जव एने सोड्तालोन देखायील एने केईल, “ज्यो माणुह खेरिनच बोगवानान सोरो इतू.”

⁴⁰ कांही बायकू भी एत्यू ज्यू सेटेरिन ज्यो देखायील एता तान माय मरियम मग्दालिया, आत्या याकूब एने योसेफान आहाक मरीन या एने सलोमव एती.

⁴¹ ताहेरया तो गलील लामाय एतो तेवी तान तान पासाण पासाण चालतो रेणेन एने तान सेवा केरतीन एती उंजू जादा बायकू एता ज्या ताहेऱ्यो यरूशलेमाम आवीन एता.

यूसुफान माहणाम यीशुह बुजणेन

⁴² ताहेरया हांजपोर एनी तेवी तियार ला दिह ज्यां केरीन म्हणजे शब्बाथान एक दिहान पेल्ला.

⁴³ अरीमथयान रेवासव योसेफ आवा जो महासभान सदस्य एतो तो जव वाह बोगवानान राज्यन वाट दिखिह एतो तान हिमंत केरीन पिलातुस लातानओगांण जाइन यीशुन शरीर मांगव.

⁴⁴ पिलातुसाला नोवाय लागनो का तान मरण ओलाक माय जेल्दव एईल जाइव तान सुभेदाराह हादाडळव फुसील, “काय तो कोलाकामाय मारीन गीयो हि?”

⁴⁵ उवतू तो तान सुभेदाराफायरिन मालूमपुढव तेवी योसेफाह यीशुन शरीर आपील टाकील.

⁴⁶ तेवी योसेफान तागान फाडका वेचातो लावा एने शरिन राह बुंदे उतारीन तामाय गुडालव लअने खेड्कामाय खुदिल एक कबरेम मेलावा आपील एने माहनांन बाय्नापूर एक मोठू.

⁴⁷ मरियम मग्दालिया एने योसेफान आहाक दिखिह एती का ताह कां मिलवहि.