मत्ती 20 - नाहाली

मोलान मोन्जऱ्या वार्ता

¹ स्वर्गान राज्य कुणा एका घेर मालकान होस हि, तो वेगीस ज्यान केरीन निकेलने का मोंजऱ्याह आपणो अंगूर मोलामाय काम केरणेन लागाडणे.

² एने तान कामकेरनाराहएक रुपयो रोज ठेरिनीन ताह आपणा अंगूर मोलामांय मुकलेल.

³ ओवतो तो नोव वाजता बाहेर निकली आवो ते ताह बाजारामाय रिकामां उबरीयेल रीईल देखाना,

⁴ तो ताह कियील, तुमु भी अंगूर मोलाम जावू, जे योग्य ते मी तुमूह आपुह, एने ता गीया.

⁵ पोशा बारा एने तीन वाजता लगभग बाहेर निकलीन तोहोलोच किरील.

⁶ ओवतो पाच वासतान लगभग तो बाहेर गीयो, तेवी उजू उबरीयेल रीईल ताह आयडीन हादिन कियील, तुमूह आखो दिह न्या रिकामा काहा उबरीयेल हेते? ता ताह केया, काहाकाय आमूह कूण मोन्जऱ्यो नाह लागाड्यो.

⁷ तो ताह कियेल, “तुमु भी अंगूरान वाडीम जावो.”

⁸ “ओवतो हांजपोर इयेलपूर अंगूर मोलान धनी आपणो कारभाऱ्यान कियील, कामकेरनारो हाद एने पासन्यापोरी सुरुवात केरीन पेल्ला ताहवोर ताह मोजरी आप.

⁹ तेवी ता अकरावा तासा सुमारास लागाड्ये एता, तो आविलपोर ताह रुपयो जुडना.

¹⁰ ओवतो जे पेल्ला आवा ताह आपुहू होवटो जुडील, इही ताह लागनो तेभी ताह रुपयो रुपयाआ जुडना.

¹¹ तो तास लेनेपोर घरधन्याविरुद्ध कुरकुर केरीन कियील,

¹² ज्याह आखरी वालाह एकुच तास काम किरील, आमु दिहीबोरीन दोपाम मेहनत किरील एने आमूह ताहाच आपु सारकोस लिखील.

¹³ तेवी तान ताम एकाह उत्तर आपील, गाड्या, मी तारो अन्याय केरीन नाहं, तू मारहे-या रुप्याआ ठेराव किरील कि नाहं?

¹⁴ तू आपणो रुपयो, लीन चालणेन फोलरेना, जोहलो तुवाह तोहोलो ज्याह आखरी वालाहाभी आपणे ओहलो मारी ईच्छा हि,

¹⁵ जे मारा हि उचित तान मी आपणो मोरजी केरीन केरता मुखत्यार नाहं काय? जर मी उदार हि तारो डोला माय सतले काय?

¹⁶ ज्यानहोस शेवटयो, तो पेल्ला, एने पेल्ला, तो शेवटयो एती.”

आपणी मोत ने विषयामाय यीशुन तिसरी भविष्यवाणी

¹⁷ यीशु उपेर यरूशलेमाम जातेन बेतुम येतो तान बारा चेलाह वाटेहे एकउखीर लीजाईन कियील,

¹⁸ “देखू, आपु उपेर यरूशलेमस जातेह एने माणहान सोराह मुख्य याजकांन एने शास्त्री यान आथे देर विन आपणे माय आवी; तो ताह मोरने दण्ड देती,

¹⁹ एने थट्टा केरीन केरता, फरके मोनान केरता एने क्रुसांपोर खिलने केरीन ताह अन्य जाती स्वाधीन केरती; एने तीन दिहामाय तो पोशो उठाडी जाय.”

एक आईकने विनंती

²⁰ तेवी जब्दीन सोरान आईकने आपणो सोराह, तान उगे आवीन तान पाया पोडीन तान आहने काही मांगील.

²¹ तान तीह कियील, “तुवाह काय जुवी?” ती ताह कियेल, “तुमरो राज्यातम मारो ज्याह दुय सोरामारीन एकजाण तुमरो जेवडी उगे एने एकजाण डाखरीउगी बोहणे ओहलो हुकुम केरू.”

²² यीशु कियील, “तुमूह काय मागनु हे. तुमूह होमजाडणे नाहं; जो प्याला मी पिनार हि, काय तो तुमूह पिवाय काय?” तो ताह कियेल जाय.

²³ तान ताहाच कियील, “मारो प्याला तुमूह प्याल खेरो, पुण मारो जेवडी उगे एने मारो डाखरीउगी बोहणेन अधिकार आपणे माहुफाय नाहं, जर ज्यानकेरता मारो आबाक फाय हा सिद्ध किरील तान केरता तो हि.”

²⁴ हि वात दहा चेला ता दुय बायाक राग आवा.

²⁵ पुण यीशु ताहाच बोलीन कियील, “अन्य जाती पुर तान अधिपती प्रभुत्व चालाडहे, एने मोठलो माणेहेबी अधिकार केरतेहे, ज्यो तुमूह मालूम हि.

²⁶ तोहोलो तुमरे माय नाहं, तर जो कूण तुमरे माय श्रेष्ठ एहू दिखेह तो तुमरो दास एय.

²⁷ एने जो कूण तुमरे माय पेल्लो एहू दिखेह तो तुमरो दास एय,

²⁸ ज्यानहोस माणहान सोरो, सेवा केरीन ओहलान केरी नाहं, तर सेवा केरीन केरता एने आखान सुटकारान केरता तान जीव आपी.”

दुय आंधलाह दुष्टीदान

²⁹ ओवतो यीशु एने तान चेला यरीहो नगर मरीन जात एतालून. मोठू माणहे एखठा हेते तानपासाणरी चालहु.

³⁰ तेवी, देखू वाटी पुर बुहील दुय आंधलाह जागे रीन जात हि ज्यो होमलीन आयडीन कियेल, “हे प्रभु, दाविदान सोरो, आमुपूर दया केरू.”

³¹ तास उगे रिजी केरीन माणहान ताहा जुल्या; तेभी तो जादास आयडीन कियेल, “हे प्रभु, दाविदान सोरा आमुपूर दया केरू.”

³² यीशु शूने उबरीयेल रेयीन, ताह बोलीन कियील, “मी तुमरेआथ लागाडील केरता काय केरूह? तुमरी काय ईच्छा हि?”

³³ तो ताह कियेल, प्रभुजी, “आमरा डोला उगाड.”

³⁴ तेवी यीशुह दया आवील तो तान डोलाह आथ लागडील तो, तेवी ताहाच तात्काळ देखणे लागिल एने ता तान पासाणुच चालणे लागिल.