मत्ती 15 - नाहाली

रीत पालणेन प्रश्न

¹ तेवी यरूशलेमाय काही फरीसी एने शास्त्री यीशु हे-या आवीन केणेन लागिल,

² “तारो चेला वेगाली रीतीन का उलघना का केरणू? तो रूटू खाणेन बुखी आथ दोव ते नाहं”

³ तान उत्तर आपील, “आपणो परंपरान तुमूह स्वताह बोगवानान आज्ञा टालनू केरणू?

⁴ काहाकाय बोगवान कियील हि, आपणो आईक आबाकने सन्मान केर, एने जो कूण आबाक एने आईक वाईट केनार ताह मारीन टाकील जाय.

⁵ पुण तुमूह किथी हि कि जर आपणो आबुक एने आईक केनार, तुमूह जो मारहे-यो जा पुण आपणे भाग हि आप बोगवानानाह अर्पण किरील हि.”

⁶ तर ताह आपणो आबुकने सन्मान, केरणेन गिरीज नाहं एने इही केरीन तुमूह परंपरान वचनामा बोगवानय वाया किरील हि.

⁷ हे कोपटी, यशाया तुमरे बारामाय जी भविष्यवाणी केरील एती ती बोगवानानठिकुज हि.

⁸ हे माणुह ओठान तर मारो सन्मान केरणू, पुण तान हृदय मेररीन सेटो हि.

⁹ एने ज्यो वाया हि जां मारी भक्ति (उपासना) केरतेह, काहाकाय माणहान विधीह धर्मान उपदेश बोणावीन हिकाडतेह.

अशुद्ध केरणारी वातू

¹⁰ एने यीशु तास गर्दीह आपणो आहने हादाडळीन ताह कियील, होमलू एने होमजू,

¹¹ जो मुयाम जातेह, तो माणहाह अशुद्ध केरतीन नाहं पुण जो मुया मायरीन नीकलनेन तो माणहाह अशुद्ध केरणे.

¹² तेवी चेला आवीन ताह कियील, काय हे तू मालूम हि का? कि “हे होम्लीन फरीसी ठोकर खायील”

¹³ पुण ता उत्तर आपील, “प्रत्येक झाड ज्याह मारो स्वर्गीय आबुक लागाडील, नाहं उखालने पोडी.

¹⁴ ताह रेणे दिवू, तो आंधलाह सिडिक देखाडील हि, एने आदोलो आंधला सिडिक देखाडणार तर दुयू खाडाम पोडती.”

¹⁵ पतरस कियील, “जो वार्ता आमूह होमजाडीन आप.”

¹⁶ यीशु कियील, “काय तुमूह पुण एविवूर होमज नो नाहं?

¹⁷ काय तुमूह होमजाडणे नाहं का, जो मुयाम जातेह तो पेटाम जातेह, एने शौचकुपात टाकणे आवी.

¹⁸ पुण जो मोना मायरीन बाहेर निकलने, एने तोज माणहाह अशुद्ध केरणे.

¹⁹ कारण हृदयातूनच वाईट विचार, खुन, व्यभिचार, जारकर्मे, चोरी, खोटी गवाही एने निंदा हि निकलने.

²⁰ जाह तान वातू हेते ज्या माणहाह अशुद्ध केरणू, पुण आथ धुवने शिवाय रोटू खाणेन माणहाह अशुद्ध केरतीन नाहं.”

कनानी जातीन बायकून विश्वास

²¹ यीशु तारीन निकलीन, सोर एने सिदोन प्रदेशाम निकलीन गीयो.

²² एने देखू, ता प्रदेशान एक कनांनी बायकू आवी, एने आयडीन केणे लागिल, “हे प्रभु दाविदान सोरा, मारपुर दया केर मारी सोरी दुष्ट आत्मा माय पिडीत हि.”

²³ पुण तान तीह काही उत्तर आपील नाहं. चेला तान आहने आवीन केणेंन लागिल, “जीह सेटो केरीन आप, कारण हि आयेडतेन आयेडतेन आमरा पासाण लागिल हि.”

²⁴ पुण तान तीह उत्तर आपील, “माहु फक्त इस्राएल गोमेर्योत ताकालाआ मेंढरान मोकल्य हि.”

²⁵ पुण कनानी बायकू आवी एने केणे लागिल, “हे प्रभु, मारी मदत करे.”

²⁶ तान तीह कियील, “सोरान रूटू लीन चितान ओगांण टाकणे हाजो नाहं.”

²⁷ जापुर कनानी बायकू कियील, होव, प्रभु, पुण घेरून चिता भी मालकाहा टेबलापोररीन ओगांण पुडील चूर खाणु.

²⁸ तेवी यीशु कियील, “हे बायकू, तारो विश्वास मोठू हि. जोहलो तुवाह लागीह तोहोलोच तार केरता एय.” तीन सोरी चालूच हाजी हूदरी गीयी.

जुलुम दुखाऱ्या माणहाह हुदारणेन

²⁹ तारीन ओगांण यीशु गलीलन समुद्रानमेरापूर गीयो, ताहरी डोंगरापोर चेडिन बोहीन गीयो.

³⁰ एने मोठू माणहा एखठा ऐतेह तान आहने आवा. एने ता आपणो बरोबर किइल पांगला, आंधलाह, मुक्के, एने मोक्तास दिहरा माणहे लीन आवा एने तान पायान आहने मेलीन आपील, एने तान ताह हजो किरील.

³¹ तान वजसे ताहेरया गर्दी देखील कि मुक्का बोलतेह, पांगला हजो एय गीयो, कोल्यो चालणु, आंधलाह देखताला जो देखहुं माणुह आश्चर्यचक्कीत एईन गीया एने तान इस्राएल ने बोगवान बोडाई केरील.

चार हजार माणहाह खावाडनेणे

³² यीशु आपणा चेला आहने हादाडळीन कियील, “माहु ओवतो माणहांपोर दया आवी हि, कारण ज्या माणहे तीन दिहारीन मारहे-या हेते एने याहेर्यो खाणेन कायीच नाहं. माहु ताह बुखल्या मोकलनेह नाहं इही एणेन मां कि तो वाटीच कोमाईनहोस एईन जाय.”

³³ चेला ताह कियील, “आमु ओवतो जेंगलामाय ओहला मोठला लोकसमुदयामाय तृप्त केरणेन केरता उलो रोटू का सापडील”

³⁴ चेला ताह कियील, “तुमरेहे-यो कोलाक रूटू हि” तास कियील, “सात रोटा एने थोडाक आत्या मासा हेते.”

³⁵ तेवी ता लोकसमुदयामाय जोमनि पोर बोहणेन आज्ञा केरील.

³⁶ तेवी तान सात रूटू एने जारिक मासा एता, तो लीईल एने धन्यवाद आपील तो तुडील एने चेला आपणेन सुरुवात केरील एने चेला माणहाह आपणेन सुरुवात केरील.

³⁷ तो आखा खाइन तृप्त एय गीयो एने तास उगरील तुकडाकेरिन सात टोपला बोरीन विस्या.

³⁸ ता आखा खादा, तामाय बायकू एने सोराह सोडीन चार हजार मान्हा एता.

³⁹ तेवी गर्दीह खोबीर आपील एने मोकलीन आपील तो नावीम चेडिन गीयो एने मगद्दनाहा भागाम आवा.