लुका 1 - नाहाली

ओलखत

¹ जुलुम जाणा ती वातूह जी आमरा विचमाय घेडील हेत्यू, तीह लेखणे माय आथ लागाडील हेते,

² जीही ता जा पेलूच रीन ती वातूह देखाणारे एने वचनान दास एता. आमुफ वोर पोचाडील.

³ तामुळे, हे सन्मानाचे योग्य थियपिला, सुरुवातीरीन ज्याह आखा वातू सावधानी पूर्वक एने बरोबर होदणे केरीन माहु हे हाजो समजील कि मी पुण तुवा क्रमाने लिखू.

⁴ केरीन तू आवो वातू निश्चितपणे सेमजीन ले, ज्यान तुवाह शिक्षण जुडील हि, ती कोहली अटल हि.

यूहन्नान जल्मान घोषणा

⁵ यहूदीयान राजा हेरोदेसाच्या टाइम जख-या नावान एक याजक एतो, जो अबीयान वर्गामायवालो एतो, एने तान लाडीन नाव एलीशीबा एतो, जी हारोनान कुळामाय वालो एती.

⁶ ते दुयू बोगवानान राज्यातम धार्मिक एता, तान चाल चालणूक बोगवानान विधीने एने आज्ञा निर्दोष चालणारे एता.

⁷ तान सोरो नाह एता, कारण एलीशीबा वांझ एती, एने दुयू डाया एय जायेल एता.

स्वर्गदूत द्वारा यूहन्नान जेल्मान भविष्यवाणी

⁸ इही एय गीयो कि तो आपणो वर्गान नंबर आवा तेवी बोगवानान ओगाण याजक काम केरतालो.

⁹ तर याजक रीतीन होस तो चिठी टाकीन निवडणेमाय आवा, कि बोगवानान मंदिरामाय जाइन धुण पेटाळणे.

¹⁰ धुण पेटाळणेन टाइम आखा माणहा बाहेर उबरी रेयीन प्रार्थना केरताला.

¹¹ एने ताह धुपाच्या वेदीन जेवडी उगे बोगवानान एक स्वर्गदूत उबरील रीयेल देखानो.

¹² ताह देखीन जख-या बिय गीयो एने भयभीत एनो.

¹³ पुण स्वर्गदूताने ताह कियील, “हे जख-या, भयभीत एहू मां कारण तारी प्रार्थना होमेलनेमाय आवी हि तारी लाडी एलीशीबा से तुवाह एक सोरो एय, एने तू तान नाव यूहन्ना मेलजी.

¹⁴ तुवाह आनंद एने आनंद वाटहु एने तान जेल्मान एक दिह जुलुम माणहे आनंद केरती,

¹⁵ कारण प्रभुने दृष्टीमाय तो मोठो एय; तो अंगूररस एने दारो पिनार नाह; एने आपणो आईकने पेटामाय तो पवित्र आत्मा माय वोडते जाय.

¹⁶ तो इस्राएलान सोरा मायरीन तर कोल्लाकतेबी तो आपणो प्रभु बोगवाना उखेर लीन आवूह.

¹⁷ एने तो तान ओगाण-ओगाण एलियान आत्मा माय एने सामर्थ्या माय बोरीन चालती, कि आबाकने हृदय सोरा सोराफाय लीन आवूह; एने आज्ञा मानणाराह धार्मिकान वाटी पुर लीन आवूह जोकेरिन तो प्रभु केरता योग्य ओहलो प्रजा तियार केरी.”

¹⁸ जख-यान स्वर्गदूताह फुसील, “मी ज्याह कायतापूररीन होमजू शकणे? कारण मी तर डावाला हि; मारी लाडी पुण डावाली हि.”

¹⁹ स्वर्गदूत उत्तर आपील “मी गब्रिएल हि, जो बोगवानान ओगांण उबरेणे; एने मी तुवां हेऱ्यो वात केरणे एने तुवाह जी सुवार्ता केणेन केरीन मुक्लेलं हि.

²⁰ देखू, ज्या दिहावोर हि वात पुरो एता नाहं तू मुक्का रेहू एने बोलहू शकणार नाहं, कारण तू मारो वातुपोर विश्वास किरील नाहं जी योग्य टाइम पुरो एय.”

²¹ माणुह जख-यान वाट दिखिह एता एने ताह आश्चर्य लागणे एता कि ताह मंदिरामाय ओलोक टाइम काहा लागत हि?

²² पुण ताहेरया तो बाहेर आवा, तेवी तो केहू शकील नाहं: एने ते समजून गीया, कि मंदिरामाय ताह काही तेभी दर्शन जुडील हि; तो खुन केरीन देखाडीन रेणू एने मुक्काच रेणू.

²³ एने इही एय गीयो, कि ताहेरया तान लेविन सेवा पुरो एय गीयो, तेवी तो आपणो गिर गीयो.

²⁴ आवो दिहा बादमाय तान लाडी एलीशीबा पेटावाली रेणी; एने तिने हे केयीन स्वताह पाच मोरना लीकाडीन मिलना.

²⁵ ता दिहामाय “मारपुर कृपा दृष्टी केरीन माणहामाय मारी बदनामी सेटो केरनेकेरताच प्रभु बोगवानान मारहे-या ओहलो व्यवहार किरील हि.”

यीशुन जल्मान घोषणा

²⁶ सहाव्या मोयनाम बोगवानारीन गब्रिएल स्वर्गदूत नासरेथ नावान गलील नगरात,

²⁷ एक कुवारी आहने मोकलील गीया. तीन मांगणी एक योसेफ नावान माणहा हेऱ्यो एनी एती तो दाविदान वोचन एतो: एने तिकुवारीन नाव मरियम एता.

²⁸ एने माय आवीन तीह स्वर्गदूतान कियील, “हे प्रभुन कृपा पावलेली बायकू नमस्कार आनंद एने जय तोरो एय, प्रभु तारहेऱ्यो हि.”

²⁹ आवो अभिवादनाह होम्लीन ती बियीन गीयी, एने विचाराम पोडीन गीयी कि हे कायताहा विषयान अभिवादन एहू शकते?

³⁰ तेवी स्वर्गदूत तीह कियील, “हे मरियम; बिऊ मां, कारण तारपोर बोगवानान कृपा एनी हि.

³¹ देखू, तू पेटावाली एय, एने एक सोरा जेल्मो आपण्यू एने; तू तान नाव यीशु मेलणेन.

³² तो थोर एय; एने परमप्रधानान सोरो केयेल जाहो; प्रभु बोगवान तान आबुक ताह दाविदान सिंहास ताह आपण्यू.

³³ एने तो याकूबान घेरणापोर कायम काळापर्यंत राज्य केरुहू; एने तान राज्यान अंत एय नाहं.”

³⁴ मरियम स्वर्गदूताह कियील, “हे केवी एहू शकते? कारण मी तर कुवारी हि.”

³⁵ स्वर्गदूताने तीह कियील, “पवित्र आत्मा एने परमप्रधान सामर्थ्य तारपोर सावुलू केरूह; ज्यानहोस जो उत्पन्न एय, तो बोगवानान सोरो केयेल जाहो.

³⁶ देखू, तारी घेरल्या एलीशीबा पुण आवो डावाला पणाम सोरो एय, हि एने ती, जी वांझ कियील जात एती तीन सहावा महिमा चालू हि.

³⁷ काहाकाय बोगवानान केरता कायीच अशक्य नाहं.”

³⁸ मरियम ने कियील, “देखू, मी तर प्रभुन दासी हि, तारो वचनाप्रमाणे मारहे-या एहू.” आप तेवी स्वर्गदूत तीन तारेन निकलीन गीयो.

मरियम एने एलीशीबान मिलाणो

³⁹ तेवी तान दिहामाय मरियम उठीन जल्दीस बोयडान भागाम यहूदा नगरांम गीयी.

⁴⁰ एने जख-यान घेराम जाइन तिने एलीशीबेला नमस्कार किरील.

⁴¹ इही एय गीयो कि जोहलो मरियम ने एलीशीबान भेट लीईल, तीन पेटाम सोरो उठना एने एलीशीबा पवित्र आत्मा माय परिपूर्ण एनी.

⁴² तान मोठला आवाजामाय ती बोलिल, “तू बायकू माय धन्य एने तारो पेटामायवाला सोरो पुण धन्य हि.

⁴³ मारपुर हि कृपा कोहली एनी कि मारो प्रभुन आहाक माहफाय आवी?”

⁴⁴ देखू, तारो नमस्कारान शब्द मारो कानाम पोडील एने मारा सोरो उठना.

⁴⁵ धन्य हि ती बायकू जिने विश्वास किरील कि जे काही बोगवानान तीह कियील हि ते पुरो एय.

मरियम ने स्तुतीन गाणो

⁴⁶ तेवी मरियम ने कियील, “मारो जीव बोगवानान महिमा केरतीन हि

⁴⁷ एने मारी आत्मा मार उद्धार केरणे वाला बोगवान से आनंद एनी,

⁴⁸ काहाकाय तान आपणो दासीन गरीबान परिस्थितीम दया केरील हि; तामुळे देखू, एविरीन पिढ्यानपिढ्या तुवाह धन्य केती,

⁴⁹ काहाकाय पारात्पराने मारकेरीन मोठा काम किरील हि एने. तान नाव पवित्र हि,

⁵⁰ एने तान दया पिढ्यानपिढ्या ताहवोर तापोर, जे तान बिय होमोलनु तां पोर रेहू

⁵¹ तान आपणो बाहूने पराक्रमाचे काम किरील हि, एने ताह मोना माय केरीन आपील, जे आपणो विचाराम गर्विष्ठ एता.

⁵² तो अधिकारीह राजसना पोररीन पाडीन आपील; एने गारीबांह मोठा केरीन आपील.

⁵³ तान बुखल्या हाजो हाजो वस्तून तृप्त किरील हि, एने जे श्रीमंत ताह बुंदे आथा केरीन काडीन आपील.

⁵⁴ तो आपणो दास इस्राएलाह होम्बाल लियील का आपणी ती दयाह एर केरी,

⁵⁵ जो अब्राहाम एने तान वंशा पोर कायम रेय, जेही तो आपणा बाप दादाह केयील एतो.”

⁵⁶ मरियम बरोबर तीन मोयना ताहेरी रीन आपणो गिर पोशा आवी.

यूहन्ना बाप्तिस्मा आपणारान जल्मो

⁵⁷ तेव्ही एलीशीबान प्रसुतीचे दिह पुरो एय गीयो, एने तिई एक सोरा जेल्मो आपील.

⁵⁸ तान शेजारी एने घेर वाला ज्या होमलील तेवी प्रभुन तीपुर कृपा दृष्टी केरील हि, तर तान आनंद किरील,

⁵⁹ एने इही एय गीयो कि माणुह आठव्या एक दिह सोरान खतना केरणेन केरता आवा तेवी तान आबाकने नावानहोस तान नाव पुण जख-या मेलणे लागा.

⁶⁰ ज्यापूर तान आईकने कियील नाहं, तान नाव यूहन्ना मेलणेमाय आवी.

⁶¹ तेवी तान तीह कियील, तुमरो नातलगामाय तर कुणीणुच इही नाव नाहं.

⁶² तास तान आबाक निशान लेखीन फुसील कि तुवाह तान नाव काय मेलणेन हि?

⁶³ तान लेखणेन पाटी फाचन ज्यापूर लिखील “यान नाव यूहन्ना हि” एने आखा आश्चर्य लागनो.

⁶⁴ चालूच तान मूय एने जीभ उघाडील; एने तो बोगवानान स्तुती केरतीन बोलणे लागिल.

⁶⁵ जापोर ओरोपोरो रेणारे माणुह भयभीत एईन गीया एने यहूदान आखा बोयडान भागाम आवो आखा वातील चर्चा चालू लागिल.

⁶⁶ तान केरता हे आखा होमलील ता आखाच आप आपणाह मोनाम विचार केरीन कियील, “हा सोरो कोहलो एती?” कारण खेरी खेरीच प्रभुन आथ तापोर एतो.

जखऱ्यान स्तुतीन गाणो

⁶⁷ एने तान आबुक जखऱ्या पवित्र आत्मा माय जादा एनो एने हे केयीन भविष्यवाणी केरणे लागिल.

⁶⁸ “प्रभु इस्राएलान बोगवान धन्य हि, का तो आपणा माणहापूर दृष्टी किरील हि, एने तान सुटकारू किरील हि,

⁶⁹ एने आमरे केरता आपणो दास दाविदान घेरामाय उद्धार एक हिंग काढ्या हि.”

⁷⁰ जोहलो तान जगा सुरुवात पासून आपणो पवित्र भविष्यवक्ता मुया मायरीन केणेंन, लागाडील एता.

⁷¹ कि आमरा शत्रुरीन, एने आमरेहेयो द्वेष केरणारान हातामायरीन आमरा उद्धार किरील हि;

⁷² कि आमरा पुर्वापोर दया केर एने आपणी पवित्र वाचाह एर केरी केर.

⁷³ म्हणजेच ती शपथ जी आमारो आबुक अब्राहामाहे-यो केरील एती.

⁷⁴ कि आमूह हे वरदान आप, कि आमु आपणो दुश्मनान हातामायरीन सोडावील जाइन,

⁷⁵ तान ओगांण पवित्रता एने धार्मिकताहामाय जीवनभर निर्भय रेयीन ज्ञान सेवा केरतीन रीवू.

⁷⁶ एने तू हे सोरा, परमप्रधान भविष्यवक्ता कियेल जाहू, काहाकाय तू प्रभुन वाट तियार केरणेन केरता तान ओगाण ओगाण चालूह हि.

⁷⁷ कि तान माणहा उद्धारान ज्ञान आप, जो तान पापांन क्षमा प्राप्त एता.

⁷⁸ ज्यो आमरा बोगवानान तीच मोठली करूणा से एय; जान कारण से उपेररीन आमरे पोर पहाटने उजालो उगी,

⁷⁹ का आंधारो एने मोरणेन सावलामाय बोहनारा प्रकाश आपण्यू, एने आमरा पायांना शान्ति ने मार्गाम हास केरीन चालाडूहु.

⁸⁰ तो सोरो वोदनेन एने आत्मा माय शक्तीशाली एते गीयो एने इस्राएल माय प्रकट ला दिहावोर जेंगलामाय रेणू.