प्रेरितान काम 8 - नाहाली

कलीसिया पोर विरोध

¹ शाऊल तान मोत से राजी एतो. एक दीही कलीसियान पुर मोठू संकट एनो एने प्रेरिताह सोडीन आखा यहूदी एने शमरोनी देशाम वेरावर एनी.

² काही भक्तिमान स्तेपनला स्तीफणुस कबरेमाय मिलील एने तान केरता मोठा शोक किरील.

³ शाऊल ने कलीसियान हैरान केरीन आपील एता, एने घेरागेर जाइन एदम्या एने बायकूह देरीन बोन्दिखाणामाय एतो.

शमरोनी माय फिलीप्पुसान पोरचार

⁴ जा विश्वासी आलेग एय गीयो एता, ते सुवार्ता पोरचार किथी फिरीन एतो;

⁵ एने फिलीप शमरोनी नगरात जाइन माणहामाय मसीहान पोरचार केरूह लागिल.

⁶ जीवात फिलीपाने कियील ताह माणहाह होमलीन एने जे चिन्ह तो हिकाडी एतो ताह देखीन, एकमत से मोन लागाडील.

⁷ काहाकाय होवटाला फायरीन अशुद्ध आत्मा मोठली शब्दान आयडीन निकलीन गीयो, एने मोक्तास जन लकवा लागिल एने पांगला ओहलाह पुण हजो किरील जात एता;

⁸ एने ता नगरात मोठू आनंद एनो.

शिमोन जादूगर

⁹ तान पेल्ला ता नगरात शिमोन नावान एक माणुह एतो, तो जादू केरीन शमरोनी माणहाह चक्क केरतीन एने आपणो स्वताह एक मोठू माणहे किथी एतो.

¹⁰ आत्युचने तर मोठपर्यंत तान सन्मान केरतीन एता, “हा माणुह बोगवानान शक्ती हि, जो महान केवाथी.”

¹¹ तास मोक्तास दिहामाय ताह आपणो ता, जादूच्या कामाम थक्क केरीन मिलील एता, तान केरता ता ताह जुलुम मानताला.

¹² पुण ताहे-या तास फिलीप्पुसाचा विश्वास किरील जो बोगवानान राज्य एने यीशुन नावान सुवार्ता किथी एतो तर माणहे काही माणहे, काही बायकू बाप्तिस्मा लेहु लागिल,

¹³ तेवी शिमोन ने स्वताह पुण विश्वास किरील एने बाप्तिस्मा लीन फिलीप्पुस हेरी रेणेन लागिल. ते चिन्ह एने मोठा मोठा सामर्थ्यान काम एता देखीन थक्क एनो.

शमरोनी मा पतरस एने यूहन्ना

¹⁴ ताहे-या प्रेरित जो यरूशलेम एतो, होमलील कि शमरोन बोगवानान वचन होमजाडीन लीईल हि तर पतरस एने यूहन्नाहा तान आहने मोकलील.

¹⁵ तास जाइन तान केरता प्रार्थना केरील कि पवित्र आत्मा जुडील.

¹⁶ काहाकाय तो एविवूर तामायरीन कुणीपूर उतरना लेणे, तास तर फक्त प्रभु यीशुन नावान बाप्तिस्मा लियेल एतो.

¹⁷ तेवी तास तापोर आथ मेलील एतो एने तास पवित्र आत्मा सापडाविल.

¹⁸ ताहेरया शिमोन ने देखील कि प्रेरितांन हेरी रेणेन पवित्र आत्मा आपील जाथू, तर तान आहने पोशा आवीन कियील.

¹⁹ “हा सामर्थ्य माहु पुण दया, कि ज्यापूर आथ मेलीन ताह पवित्र आत्मा जुडी.”

²⁰ पतरसाने ताह कियील, “तारो पोशा तुवाहे-या नाश होवो, कारण तू बोगवानान दान पैस्यानी वेचातो तेविरीन विचार किरील हि.

²¹ आवो वातीमाय नाहं तारो वाटो हि, नाहं भाग; कारण तारो मोन बोगवानान ओगाण हेल्लीच नाहं.

²² ज्यानकेरता आपणो आवो वाईटान केरता मोन फिरावीन प्रभुह प्रार्थना केर, अवश्य हि तारो मोनान विचार क्षमा किरील जाहू.

²³ काहाकाय मी दिखेह कि तू पितसारखं मालूम एने अधर्मान बोन्दिमाय पुडील हि.”

²⁴ शिमोन ने उत्तर आपील, “तुमूह मारकेरीन प्रभु यीशुह प्रार्थना केरू कि ज्या वातू तुमूह कियील तामायरीन काही मारपुर नाहं आवीन पोळी.”

²⁵ यास्तव ते गवाही आपील एने प्रभुन वचन होयलू यरूशलेम माय निकलीन जाइ, एने शमरोनामय जादा गावामाय सुवार्ता पोरचार किथी गीया.

फिलीप्पुस एने कुश देशान अधिकारी

²⁶ ओवतो प्रभुन एक स्वर्गदूताने फिलीप्पुस ला कियील, “उठ, एने दक्षिणेउगे जा, जे यरूशलेमरीन गाज्ज्या उखीर जाथू हे” रेगीस्थान सिडिक हि.

²⁷ तो उठीन निकलील, एने देखील, कुश देशान एक माणुह आविह एतो जो षंड एने कुश ची राणी कंदचे जीन अधिकारी एने भंडारी एतो, जो आराधना केरणेन केरता यरूशलेमत आवा एतो.

²⁸ तो आपणो रथापुर बोहील एतो, एने यशाया भविष्यवक्तान पुस्तक वाचतालू आविह एतो.

²⁹ तेवी आत्मा ने फिलीप्पुसाने कियील, “आहने जाइन आवो रथाहेरी जा.”

³⁰ फिलीप्पुस ताफाय धुवडील एने ताह यशाया भविष्यवक्तान पुस्तक वाचातालून होमलील, “एने फुसील, तू जे वाचतालू हि काय ते मालूम हि?”

³¹ तो कियील, “जेवीवोर कूण माहु होमजाळीन नाहं?” ताहउर माहु केवी होमजाणार एने तान फिलीप्पुसाला विनंती केरील कि तो तान आहने चेडिन जाइन बोहणे.

³² पवित्र्य शास्त्रामाय तो जे वाचतालू एतो ते हे हि कि, “तो मेंढरान होस मारणेन केरता मोकलना गीयो, एने जोहलो कोकर आपणो ता कातरणेन ओगाण टाकु हि, तोहोलोच ते पुण आपणा मूय उघाडील नाहं.”

³³ “तान लीन अवस्थामाय ताह न्याय जुडना नाहं, ता टाइम माणहान वर्णन कूण केरुहू? काहाकाय पृथ्वीपोर तान जीव विशेल जाथू.”

³⁴ ज्यापरीन षंढान फिलीप्पुसाला फुसील, “मी तुवाह विनंती करने आवो, वातून भविष्यवक्ता हे कुणीनबारामाय किथे, आपणो केव्ही दिहीरा विषयी?”

³⁵ तेवी फिलीप्पुसाने आपणा मूय उघाडील, एने आवो शास्त्रामायरीन सुरुवात केरीन तान यीशु सुवार्ता होमलायेल.

³⁶ तो ताहवातीपूररीन चालता-चालता ताह पाण्यान जागे पोचाडील, तेवी होदणारा कियील, “देख ज्यो पाणी हि, ऐवी माहु बाप्तिस्मा लेणे काय एडचन हि.”

³⁷ फिलीप्पुसूस ने कियील, “जर तू खोरो मना केरीन विश्वास केरणे तोली सेकती.” तोह उतर आपील. “मी विश्वास केरणे कि यीशु मसीह बोगवानान सोरो हि.

³⁸ तेवी तान रथ उबरीयेल केरणेन आज्ञा केरील, एने फिलीप्पुस एने षंड दुयू पाण्यामाय उतोर्णो, एने तान हिजडा बाप्तिस्मा आपील.

³⁹ जेव्ही ते पाण्या मायरीन निकलीन उपेर आवा, तेवी प्रभुन आत्मा ने फिलीप्पुसाला विसीन लीईल एने षंढान ताह पोशा नाहं देखील, एने तो आनंद केरीन आपणो वाटीन निकलीन गीया.

⁴⁰ फिलीप गावाम अजोत आवीन गीयो, एने जेवीवोर कैसरीयांनी नाहं फुसील, ताहउर नगरामाय नगरात सुवार्ता पोरचार केहू लागिल.”