प्रेरितान काम 25 - नाहाली

फेस्तुसान होम्बुर

¹ फेस्त ता प्रान्तामाय पोचणेबाद तीन दिहा बादमाय कैसरिया फायरीन यरूशलेम हा गीयो

² तेवी मुख्य याजक एने यहूदी माणहान प्रमुख तान ओगांण पौलुसा विनंती केरील;

³ एने ताह विनंती केरीन तान विरोधामाय हे ईच्छाने, कि तो ताह यरूशलेम माय हादील, कारण कि ते ताह वाटेमायबी मारीन टाकणेन घात केरतीन एता.

⁴ फेस्तूस ने उत्तर आपील, “पौलुस कैसरिया माय, एने मी स्वताह जेल्दी ताहारी जाईल.”

⁵ ओवतो कियील, “तुम्रेमाय जो अधिकार मेलतेन तास हेरी चालणे, एने केध्दीह आवो, माणहान काही अनुचित काम किरील हि तर तापोर दोष लावा.”

⁶ तामाय कूण आठ दहा दिह रेयीन तो कैसरियाला निकलू गीयो एने दिहीरा एक दिह न्याय आसनापोर बोहीन पौलुसाह दिहरी जातीन आज्ञा आपील.

⁷ ताहेरया तो आवा तेवी ते यहूदी यरूशलेम माय आवा एता, तास जवळपास उबरीयेल रेयीन तां पोर जादा इही कठीण इही आरोप लागाडील, ज्यान प्रेमान ते आपुह शकत एता.

⁸ पुण पौलुसुसाने उत्तर आपील, “मी जे नापून यहूदी व्यवस्था एने नाहं मंदिरान, एने नाहं कैसराच्या विरुद्धामाय काल्ल्हा अपराध किरील हि?”

⁹ तेवी फेस्तान यहूदी माणहाह आनंद केरणेन केरता इच्छासे पौलुसाह कियील, काय तू ईच्छातो हि कि यरूशलेमेन जा एने ताहारी मार ओगाण तारो हा मुकदमो निश्चित किरील जाऊ.

पौलुसान कैसर से विनता

¹⁰ पौलुसुसाने केदा, मी कैसरान न्याय आसनासमोर उबरील हि मारो मुकदमो हा कैसारला एणेन जुवी जोहलो कि तू हाजो रीतीमाय ओलखणेस, कि यहूद्यांन मी काही अपराध किरील नाहं.

¹¹ केध्दीह मी अपराधी हि एने मारीन टाकील जाणे योग्य कालो काम किरील हि तर मारणेन नाहं अन्याय पुण ज्या वातून हा मारपुर दोष लागाळ हि केध्दीह तामायवाला कूण पुण हि वात खेरो ठेरणार नाहं, तर कूण माहु तान आथाम होपहू शकत नाहं मी कैसराची न्याय आपतेन हि.

¹² तेवी फेस्तान मसलत लीन सभा हादील एने ज्याह वातू केयीन उत्तर आपील, तुमूह कैसरचा न्याय मांगील हि, तू कैसराउखेर जाही.

अग्निप्पान होम्बुर पौलुस

¹³ काही दिह निवरणेओवतो अग्निप्पा राजा एने बर्निकाने कैसरीयामाय आवीन फेस्तूस माय भेट आपील.

¹⁴ ताह जादा दिह ताहारी रेणेनओवतो फेस्तराने पौलुसुसान विषयाम राजाह कियील, एक माणुह हि ताह फेलिक्स बोन्दिखाणामाय सोडीन गीयो हि.

¹⁵ ताहेरया मी यरूशलेम माय एता तेवी मुख्य याजक एने यहूदी डाय डाया तान न्यायाधीशाउगी ईच्छाएनिका तापोर दण्डाज्ञा आपील जाणे.

¹⁶ पुण मी ताह उतार आपील कि रोमियांची हि रीत नाहं कि काल्लोबी माणुह दण्डाला होपीन आपुतेव्ही ताहवोर गुनोरेचनारो एने आरोपी ओगाण ओगाण उबरीयेल रेयीन मुद्दो लीन दोबान उत्तर आपतेन नाहं.

¹⁷ सेवट जे न्या एक्ठाच एईन तेवी काय मी काही टाइम नाहं लागडेल पुण दिहरान एक दिह न्याय आसनापोर बोहीन ता माणहाह लावणेन आज्ञा आपील.

¹⁸ ताहेरया तान वाडी उबरीयेल रेणा तेवी तास अनुचित वातून दोष लागाडील नाहं जोहलो मी होमजाडणे एतो.

¹⁹ पुण ते आपणो मताफाय यीशु नाव कायताहा माणहान विषय माय जो मारीन गीयो एतो एने पौलुसुसाने जीवतालू देखाडील एता विवाद केरतीन एता.

²⁰ मी चौकशीतमाय एतो, कि आवो वातून पोचील कोहलो लागाडूज्यानकेरता मी ताह फुसील, काय तू यरूशलेमेन जाही कि ताहारी आवो वातून निर्णय होवो.

²¹ पुण ताहेरया पौलुसुसाने न्याय आपील कि तान मुकदमान निर्णय महाराजाधिराज ज्ञान न्या होवो ताहारी मी हि आज्ञा आपील कि जो ताहवोर ताह कैसरीयाम मोकलतालु नाहताह कैदीम मेलठोन.

²² तेवी अग्निप्पा फेस्तूसाह कियील, मी पुण ता माणाहान होमलूह इच्छितो तान कियील, तू हेकाले होयलू ले.

²³ सेवट दिहरेदीह ताहेरया अग्निप्पा एने बर्निका मोठली धुमधामसे आवा एने पलटणान सरदार एने नगर ने प्रमुख माणहाहे-या दरबारामाय पोचेल तेवी फेस्तुसान आज्ञा आपील कि ते पौलुसाह लीन आवु.

²⁴ फेस्तुसान कियील, “हे राजा अग्निप्पा, एने हे आखा माणहा, जो आमरा न्या हेरी हि, तुमूह आवो माणहेच देखताला ज्यान विषयातमाय आखा यहूदयान यरूशलेम माय एने ईहे पुण आयडीन आयडीन विनंती केरील कि ज्यान जीवतालू रेणे उचित नाहं.

²⁵ पुण मी ओलखिन लीईल कि तान इही काही किरील नाहं कि ताह मारीन टाकील जाऊ; कि ताहेरया तान स्वताह च हा महाराजाधीराजाने न्याय आपील तेवी मी ताह मोकलणेन निर्णय किरील.”

²⁶ मी तान विषय माय काल्लीज निश्चित वात देखील नाह का आपणो स्वामी आहने लिखू जानकेरता मी ताह तुम्राओगाण एने विशेष केरीन राजा अग्निप्पा, तारो ओगाण लावील हि कि चौकशी केरणेन ओवतो माहु काही लेखणेन जूळनू.

²⁷ काहाकाय कि बोन्दि हि मोकलने एने जे दोष तापोर लागाडील गीया तास नाहं केणेन, माहु वाया जान पुळील.