2 पतरस 1 - नाहाली

अभिवादन

¹ शिमोन पतरसा फायरीन, जो यीशु मसीहान दास एने प्रेरित हि, ता माणहान नाव तान केरता आमरा बोगवानान एने उद्धारकर्ता यीशु मसीहान धार्मिकता द्वारे आमरा सारकोस मूल्यवान विश्वास प्राप्त किरील हि.

² बोगवाना फाय आपणा प्रभु यीशुन ओलखणे वजेसे कृपा एने शान्ति तुमु जुळी.

बोगवानान हाद्णो एने निवाडणो

³ काहाकाय तान बोगवानान सामर्थामाय आखो काही जो जीवन एने भक्तीसे संबंध मेलील हि, आमूह ताणुच ओलखात ने द्वारे आपील हि, जो आमूह ताणुच महिमा एने सत्वान हादील हि.

⁴ ज्यान द्वारे तो आमूह मूल्यवान एने जादा मोठली प्रतिज्ञान वचन आपील हि: म्हणजे तान द्वारे तुमूह ता जगान वासान तारीन सोडीन, बोगवानान भागीदार एने जुवी.

⁵ ज्या कारण से तुमूह आखा प्रकाचे यत्न केरीन आपणो विश्वासामाय हाजागुण, एने हाजागुण होमजू,

⁶ एने ज्ञानामाय इद्रीदमनाची एने इद्रीयदमनात धीर, एने धीराव भोक्ती,

⁷ एने भक्तीपुर बायहान प्रीती एने बायहो प्रीतीपुर प्रेम वोदाडीन जाणे.

⁸ काहाकाय जर हे गुण तुमरे माय वर्तमान रेंय एने वोदनेन रेंय, तर तुमूह आपणा प्रभु यीशु मसीहान ओलखित्लू नीरुदयोगी एने निष्फळ नाय एहू आपण्यू.

⁹ कारण ज्यान माय जी वातू नाहं, तो आदोलो हि एने जाहीक्लोसेटे दिखेह, एने आपणो पासाण पापांनी धोवीन शुद्ध ला विहिरीन गीया हि.

¹⁰ ज्या कारण से हे बायहो, आपणा हादाडणो जाणू, एने निवडीलील जाणेन खात्री केरणेन विषेत प्रयन्त केरू, काहाकाय जर या केरणार तेभी पुण जेठ नाहं खाण्यू;

¹¹ पुण जी रीती से तुमु आमरो प्रभु उद्धारकर्ता यीशु मसीहान अनंत जीवनामाय मोठला माना हेर्यो राज्य प्रवेश केरीन जाहू.

पतरसान आखरी टायम

¹² तान केरता कधाचित तुमूह हि वात समजील रेंय, एने जे सत्य वचन तुमूह मिलना हि तामाय तुमूह स्थिर रेतेह, तेभी पुण मी तुमूह जी वातुंन दाडीन इआवीह आपणेन दाडीन तियार रेहू.

¹³ मी हे आपणो केरता उचित होमजथी कि जेवीवोर मी आवो मंडपांमाय हि, ताहउर तुमूह इआवीह आपिन उबरीयेल मुक्या.

¹⁴ काहाकाय हे होमजथी कि मारो मंडप माय पाडीन टाकणेन टाइम आईल हि, जोहलो आपणा प्रभु यीशु मसीहाने मारपुर प्रगट किरील हि.

¹⁵ तान केरता मी इही यत्न केरुहू कि मारा निर्णय इयेलपूर तुमूह आवो आखा वातूह दाडीन एर केरूह सेकहु.

मसीहान महिमाह डोलाकेरिन देखील गवाह

¹⁶ काहाकाय ताहेरया आमु तुमूह आपणो प्रभु यीशु मसीहान सामर्थावाही एने आगमानान सुवार्ता आपील एता, तर ते हुशारीपुर बोणाविल वातून अनुसरून नाहं एता पुण तुमुच ताह हेरी देखील एता.

¹⁷ का तो बोगवान पिता फायरीन आदर एने महिमा मिलवील तेवी ईश्वरीयुक्त राज वैभवा द्वारे ओहलो आवाज आवी, “ज्यो मारो प्रिय सोरो हि, ज्यान बारामाय मी आनंद हि.”

¹⁸ तेवी आमु तान हेरी पवित्र डोंगरापोर एता एने स्वर्गामाय रीन ओहलो आवाज आवतालू.

¹⁹ आमरा आहनी जे भविष्यवक्तान वचन हि, ते ता घटनांनी दृष्ट एय गीयो. तुमूह हे हाजो केरणू जो हे होमजाडीन तापोर लक्ष मेलतेन कि तो एक दिव्य हि, जो आधारामाय तीजागेन माय ता टायमापोरउर प्रकाश केरतीन रेणे जेवीवोर कि अंत: केरणू दिह वेगीजने तारू हृदय उगेता वहुदी.

²⁰ पुण पेल्ला हे होमजाडीन ली कि पवित्र शास्त्राची काल्ली पुण भविष्य आवाज कुणीन आपणो हि विचारावर आंधारामाय पुरो नाहं एता,

²¹ काहाकाय काल्ली पुण भविष्य आवाज माणहान ईच्छेनि केध्दीह नाहं एनी, पुण भक्त पवित्र आत्मान द्वारे उभारून बोगवानानाफाय केतेह.