1 कुरिंथीयो 16 - नाहाली

विश्वासीन केरता दान

¹ ऐवी देखू संतासाठी दान एखठो केरणेन, बारामाय मी चुकीई पवित्र माणहाह जी आज्ञा मी गलतियो कलीसियाह आपील हि, तुमु पुण तोहोलोच केरू.

² हफ्तान पेल्ला कमाई मायरीन काही काही आपणो घेरानकेरता पुण टुलू केरतीन रीवू जानकेरता कि ताहेरया मी आवूह तह्लाजमाय दान टुलू केरणेन टाइम आवूह नाहं.

³ मारा ता जागापूर पोचनेपोर, ज्या कोणीही तुमूह कियील मी ताह बोहजाईल पत्र आपील तुमरो दान यरूशलेम माय लीन जाणे मोकलीन आपण्यू.

⁴ एने मारा जाणू योग्य रेणा तेभी पुण ते मारो बरोबर चालना जाहो.

पौलुसान यात्रा एने कार्यक्रम

⁵ मी ताहेरया मासेदोनिया फायरीन जाहू तेवी तुमरो आहने पुण आवूह कारण मेसेदोनिया फायरीन जाणेन मी निश्चित किरील हि.

⁶ इही एहू शकते कि मी तुमरो बरोबर काही दिह रेहू शकणे केव्ही हियालू तुमरेहे-यो रेहू जानकेरता कि ताजमाय माहु जाणेन हि तुमूह माहु खोबीर आपुह शकता.

⁷ मी इही किथी नाहं कि तारीन जातेन फक्त तुमूह मिलिन लेहु पुण माहु आशा हि कि जर प्रभुन ईच्छा रेंय तर मी तुमरो आहने काही दिह रेहू पुण.

⁸ मी पन्नास व्या एक दिह च्या तिवार ताहवोर इफिसुस मायूम रेहू.

⁹ कारण योग्य काम केरणेन केरता शक्यता ताजागेन मोठा द्वार उगालाह हि एने ओवतो ताजागेन मारा विरोधी पुण जादा हेते.

¹⁰ जर तीमुथियुस आवा, तर लक्षाम मेलू कि ताह तुमरो बरोबर मेहनत एय, कारण मारहोच तो पुण प्रभुन काम केरतीन हि.

¹¹ तान केरता काडील ताह आत्या मानू नाहा ताह तान प्रिनासकेरने शान्ति से खोबीर आपणे जानकेरता कि माहिदेकहू आवीन पोचाडीदे मी दिहीरा बायाकहे-या तान आवणेन वाट देखीह हि.

¹² ऐवी आमारो बाहाक अप्पुलोसचे हे केणे हि कि मी ताह दिहीरा बायाकहे-यो तुमरेहे-यो जाणेन होवटो प्रोत्साहन किरील हि पुण बोगवानान हि ईच्छा नाहं कि तो ऐवी तुमरेहे-यो आवु तो संधी साधून तुमरेहे-यो आवी.

आखरी आदेश एने अभिवादन

¹³ सावधान रीवू, दृढवाही आपणो विश्वासामाय अटल बोणावीन रीवू.

¹⁴ साहसी बना, शक्तीशाली बना, तुमूह जे काही मुडोपुर प्रेमाकेरिन मुडोपुर.

¹⁵ हे बायहो, तुमु स्तीफनुसच्या घेराह ओलकतेह, कि ते अखयान पेल्लो फोल हि, एने पवित्र माणहान सेवान केरता तियार रेणू.

¹⁶ तुमूह पुण स्वताह ला ओहला माणाहान एने प्रत्येक ता माणहान अधीन होपीन दयाजे ज्याह कामाम जुडील हि एने प्रभुन केरता काम केरतीन हि.

¹⁷ स्तीफणुस, फर्तुनात, एने आखियक च्या उपस्थित मी संतोष हेपोन मारकेरीन तुमूह जे काही केरूह शकले नाहं ते तानकेरीन देखाडणे.

¹⁸ तास मारी तोहोलोच तुमरो आनंदित आत्मा किरील हाजा केरता ओहला माणाहान सन्मान केरू.

¹⁹ आशिया भागाम कलीसियाहिरोत तुमूह प्रभु माय नमस्कार अक्विला एने प्रस्कीला तान घेराम एक्ठाच आवणारा कलीसिया फायरीन तुमूह सलाम.

²⁰ आखा बायाकपुरीन तुमूह नमस्कार पवित्र चुंबनाने तुमूह एक दिहरान स्वागत केरू.

²¹ मी पौलुस तुमूह आपणो आथान सलाम लेखथूह.

²² जर कूण प्रभु माय प्रेम केरतीन नाहं तर ताह शापभ्रष्ट जुळी, आमारो प्रभु आवु,

²³ प्रभु यीशुन कृपा तुमूह प्राप्त होवो.

²⁴ यीशु मसीहा माय तुमरो प्रती मारा प्रेम तुमूहहु बोठान बरोबर होवो. आमीन.