1 कुरिंथीयो 11 - नाहाली

¹ तुमु मारहारखो वागणू केरू जोहलो मी मसीहा होस वागणू करने.

आराधनामाय मुंड डापणो

² हे बायहो, मी तुमरो वाहवा करने कि आखा वातीमाय तुमूह माहु इआवीह केरणू; एने जी परंपरा मी तुमूह आपील हेते, तान पोहणे केरणू.

³ पुण मारी ईच्छा हि कि तुमूह हे सेमजीन ली कि प्रत्येक एदमी मुंडे मसीह हि, एने बायकू न मुंडे माणहे हि, एने मसीहान मुंडे बोगवान हि.

⁴ जो माणहे मुंडे डापिल प्रार्थना केव्ही भविष्यवाणी करने तो आपणो मुंडीन अपमान करने.

⁵ पुण जी बायकू उगडी मुंडाकेरिन प्रार्थना केव्ही भविष्यवाणी केरूह, ती आपणो मुंडीन अपमान करने, ती मुंडीन लेट्या काटीलान होस हि.

⁶ जर बायकू ओढणी नाय पागरी नाहं तर लेडया; पुण काटीन लेणेन जुवी जर बायकू केरता लेडया काटणु केव्ही मुंडण केरणेन लाज वात हि तर ओढणी पाघरीन नाय.

⁷ हां, माहु आपणा मुंडे तापनारो योग्य नाहं कारण तो बोगवानान स्वरूप एने महिमा हि; पुण बायकू एदमी महिमा हि.

⁸ कारण माणहा बायकू फायरीन सोरीफायरीन एनो नाहं तर बायकू माणहा फायरीन एनी हि.

⁹ एने माणहा बायकू केरता बोणील नाहं, तर बायकू माणहान केरीन बोनाडी गीयी हि.

¹⁰ तामुळे स्वर्गदूतांमुळे बायकू योग्य हि कि अधिकार आपणो मुंडीपोर मेल.

¹¹ तेभी पुण प्रभु माय बायकू एदमी, एने माणहे तीवहे-यो हि.

¹² कारण जीही बायकू एदम्याफायरीन हि, तोहलोच माणहे बायकू फायरीन हि पुण आखा वस्तु बोगवाना फायरीन हि.

¹³ तुमूह खुदेन विचार केरू, काय बायकू उखडो मुंडे मेलीन बोगवानान प्रार्थना केरणेन होपतलो?

¹⁴ काय सोभाहारकेरिन तुमूह मालूम हि कि जर माणहे सेटो लेडया मेलूह, तर तान केरता अपमानाची वात हि.

¹⁵ पुण जर बायकू सेटो लेडया मेलूह तर तीनकेरिन होबा हि कारण तीह लेडया फुसीलकेरीन आपील हि.

¹⁶ पुण कोणीही चर्चा केरणेन हि, तर हे सेमजीन लेणेन कि आमरी एने बोगवानान कलीसियाची पुण ओहलो रीत नाहं.

प्रभु भोजने विषयमा

¹⁷ पुण जी आज्ञा आपतेन येतो मी तुमरी वाहवा केरीन नाहं, ज्यानकेरता कि तुमरो एक्ठाच एने हजो नाहं पुण नुकसान एता.

¹⁸ कारण पेल्ला तर हे होमलथू कि, ताहेरया तुमूह कलीसिया माय एक्ठाच ऐतेह तेवी तुमु माय फुट एता, एने मी जापोर काही विश्वास पुण करने.

¹⁹ कारण भेदभाव पुण आवश्यक हि, तान केरता कि जे माणहे तुमरे माय खेरो हेते ते प्रगट एईन जाहू.

²⁰ सेवट तुमूह जे एक जागीपोर एक्ठाच ऐतेह तर हे प्रभु रोटू खाणेन केरता नाहं,

²¹ काहाकाय खाणेन टाइम एक दिहरान पेल्ला आपणा रोटूखाणे खाइन जातेह, ज्यानप्रमाणे कुणबी बुख्यो रेणे एने कूण होरूपिणार एईन जाथू.

²² काय खाणेन एने पीणेन आपणा घेर नाहं? केव्ही बोगवानान कलीसियान तुच्छ होमोलनु, एने न्यानहेऱ्यो नाहं ताह लाज आली केरणू? मी तुमूह काय केहू? काय आवो वातीमाय तुमरी प्रशंसा केरूह? नाहं, मी प्रशंसा केरीन नाहं.

²³ कारण जीवात माहु प्रभु फायरीन जुडील हि एने मी तुमरे जागे पोचाडीन आपील कि प्रभु यीशुह ज्या राती देरीन आपील गीयो, रूटू लीईल,

²⁴ एने धन्यवाद आपील ती मुळनु एने कियील, “हे मारा शरीर हि, जे तुमरीकेरता हि, मारो एर केरणेन केरता हे केरतीन रीवू.”

²⁵ ज्यानंतर तान रोटोखाणेनबाद प्याला पुण लियेल एने कियील, “हा प्याला मारो रक्तामाय नोवालो वाचा हि, ताहेरया हा पिनार, तेवी मारो एर केरणेन केरता हे केरतीन रीवू.”

²⁶ कारण ताहेरया तुमूह हि रूटू खाणु एने हा प्याला पियलू तेवी प्रभुन मोरणाह ताहेरया ताहवोर तो आविह नाहं ताहउर पोरचार केरतीन रेणू.

²⁷ तामुळे जो कूण कायनयहाजो रीतीमाय प्रभुन रूटू खाण्यू केव्ही ता प्याला मायरीन पिनार तो प्रभुन शरीर एने रक्ताब्द्द्ल अपराधी ठेरणार.

²⁸ तामुळे “माणहान जीवाह पारखिल्यु लेणेन जुवी एने आवो प्रकारे आवो रोटामायरीन खालोताहा आवो प्याला मायरीन पिवू.”

²⁹ कारण जो खाणे पिपलू येतो प्रभुन शरीराह ओळखतेह नाहं तो खाणे एने पित येतो मारपोर शिक्षा लावथू.

³⁰ तामुळे तुमरे माय मोक्तास जन दुर्बल एने दुखारया हेते एने मोक्तास जन हूवगीयाह पुण गीया.

³¹ जर आमु जीवाह पारखीन हि तर शिक्षा जुडी नाहती.

³² पुण प्रभु आमूह दण्ड आपील आमरी शिक्षा करने ज्यानकेरता कि आमु जगाहे-या दोषी ठेरहू नाहा.

³³ त्याकेरता हे मारो बायहो, ताहेरया तुमूह खाणेन केरता एक्ठाच ऐतेह तर एकदिहरांकेरता वाट देखू.

³⁴ जर कूण फुकलागीही रेंय तर आपणो घेरामाय खावू ज्यान मुळे तुमरो एखठाच एने दण्डाचे कारण एय नाहं बाकीह्य वातू मी आवीन केरुहू.