Ermiyaas 45 - NABUWWA KEE MALIKWA

BAARUKUH TEMEETE FARMO

^1-2 Yoosiyaahû-Yahoyaakim Yuudâ-malik edde yekke fereyhaytô sanatat, Neeriyyâ-Baaruk, nabi Ermiyaas kaah warissa hee yab yuktube. Too warkat yuktubek sa, Ermiyaas kaak iyyeemih, «YALLAY Israayil doore Dagelta kinnihiyya kok iyyaamah,

³ ‹Atu Baarukow, «Woyyow, yot takkeemow, YALLI liyoh an biyaakat biyak yok osise. Yot yakkeh yan biyaakak gexxaamah, xagar yok boolaateh. Elle afoofe ikke mageyyo, 'yaanam inta'mmay,

⁴ yooy YALLAH yani away caxah innah daabise mara buxuxuk ayyaaqeyyooh xiseh suge mara wadir aggileyyo. A saaku inkih tan baaxo baysam faxa.

⁵ Hay, rooci lem inkih digaalu waa saaku, koh rikeek abu waam mayyu'mmay, faxe ikke gexxa way, gexinnaan baaxol kot rooci yasallamay axceyyo. Tonni faxeemi'mmay, kaxxa numuy migaq-gexxo le yoo ablele 'yaanamah yot maqaagin› 'yaanam kok iyye» kaak iyye.