1 Aydaad 7 - NABUWWA KEE MALIKWA

ISSAKARAK RADE MARA

¹ Issakar lab-xaylok ferey xaleeh; Toolaq kee Fuuwa kee Yaasub kee Simron deqsitak yenen.

² Toolaqak rade mari, Quddi kee Rafaaya kee Yaryel kee Yacmay kee Yibsam kee Samuwel deqsitak yenen. Oson inkih gulubwah saqoltih yen maray qande le qaskarah yenehiyyak ten. Dawud edde dardaare dabaanal, Toolaqak rade maray qeebih bical yene, labaatanna kee namma alfi kee lica boolih num akkuk yenen.

³ Quddi Yidracya xaleeh, Yidracya Mikaayil kee Qobadya kee Ayyuqel kee Yissiya xale. Too koona num gulubwah saqoltik ten.

⁴ Ken migooqa elle tunkuttube kitab elle yascasse'nnal, too mari mango agabu luk yeneeh; mango xaylo xaleenimih sabbatah, keenik rade marak qaskarah yen mari soddom kee lica alfih num akkuk ten.

⁵ Issakarak rade mari ittat, bacra-taban kee malciina alfih qaskariita akkuk yenen. Tohum, Issakarak rade marih migooqa elle tan kitaabal tunkuttubeemi.

BENYAAMAK RADE MARA

⁶ Benyam, Belaq kee Bekar kee Yadiqeel xale.

⁷ Belaqak rade mari, Axbon kee Quddi kee Quddiyeel kee Yareemot kee Qiiri deqsitta koona numuk yenen. Oson inkih gulubwah saqoltih yen maray qande le qaskarah tenehiyyak ten. Ken migooqa elle tan kitaabal, keenik rade marak qaskarah yen mari labaatanna kee namma alfi kee soddom kee affara num akkuk yen.

⁸ Bekarak rade mari, Damiira kee Yooqasaay, Elqeedar kee Elyahoqeenay kee Qomriiy, Yareemot kee Abiyyaay, Qanatot kee Qalemet deqsitak yenen. A mari inkih kaak radeeh,

⁹ gulubwah saqoltih yen marak ten. Ken migooqa elle tan kitaabal, keenik rade marak qaskarah yen mari labaatanna alfi kee namma bool akkuk yen.

¹⁰ Yadiqeel Bilhan xaleeh; Bilhan Yaqus kee Benyaamaay, Eehud kee Kanaqnaay, Deetam kee Tarsis kee Acisacar xale.

¹¹ A mari inkih Yadiqeelik radeeh; gulubwah saqoltih yen maray qande le qaskarah yenehiyyak ten. Ken migooqa elle tan kitaabal, keenik rade marak qaskarah yen mari taban kee malcina alfi kee namma bool akkuk ten.

¹² Qiir, Suffim kee Cuffim xaleeh, Acer Cuusim xale.

NAFTAALIK RADE MARA

¹³ Naftaali, Yacxeel kee Guunaay Yaaxir kee Sallum xale. Naftaalih ina, Bilha deqsitak ten.

MANASSEK RADE MARA

¹⁴ Manasse, Aramah tooboke barray caggô-gubih caggoh nikaacat yabbixet Asriyel kee Makir xale. Makir Gilqad xale.

¹⁵ Makir, Cuffim kee Suffimih baxuw digibih abe. Kay maqanxá Maqka deqsitak ten. Kaak nammayhaytô baxay Xalofcad deqsitehiyyak xaylo inkih say-xaylok ten.

¹⁶ Makir-barray Maqka deqsittehiyya baxa kaah xalteeh; migaaqah kaak Feres inte. Kay toobokoyti Seres deqsitak yen. Seresiiy Uulam kee Raakem deqsita lab-xaylo xale.

¹⁷ Uulam Badan xale. A mari inkih Manassê-baxih baxa Makír-Gilqadak rade.

¹⁸ Gilqadak maqanxáy Hammoleket deqsitta, Ishod kee Abiqeder kee Macla xalte.

¹⁹ Samiidaq, Aciyya kee Seekemiiy Likci kee Aniiqam xale.

EFRAYIMIK RADE MARA

²⁰ Efrayim Sutlac xaleeh, Sutlacaay Bered xaleeh, Berediiy Tacat xaleeh, Tacataay Elqada xaleeh, Elqadaay Tacat xaleeh,

²¹ Tacataay Dabad xaleeh, Dabadaay Sutlac xale. Efrayim kaadu Qader kee Elqad xale'mmay, too namma num Gat-rasuh yooboke marak saq buubaana'gidih gexen saaku, Gat-mari ken qide.

²² Efrayim ken rookat mango saaku suge. Kay mari inkih a rooka kaa hawweenisoonuh kaa fan yemeeten.

²³ Tohuk lakal Efrayim isi barrat fido faxe. Is teedeqeeh, baxa kaah xalte. Kay abba isi buxat umam tekkeemih sabbatah migaaqah kaak Beriiqa iyye.

²⁴ Efrayim kaadu Seera deqsitta baxá xale. Is Daga-raqta-Beet-Coron kee, Guba-raqta-Beet-Coron kee Udden-Seera deqsitta magaalooli xisse.

²⁵ Tonnah kaadu lab baxa xaleeh, migaaqah Refa deqsitak yen. Refaay Resef xaleeh, Resefiiy Telac xaleeh, Telacaay Tacan xaleeh,

²⁶ Tacanaay Laqdan xaleeh, Laqdanaay Qammihud xaleeh, Qammihuduuy Alismaq xaleeh,

²⁷ Alismaqaay Nuun xaleeh, Nuunuuy Yoosuwa xale.

²⁸ Efrayim kedo elle gactem, Beetal-magaala kee tet dariifal sugte gaandoodiy ayrô-mawqa le kabul ten Naqranak xabba haanamaay ayrô-culma le kabul ten Geser kee tet dariifal sugte gaandoodih amma 'yaanam fan takkehiyya kee, tonnah kaadu, Seekem kee tet dariifal sugte gaandoodik xabba haanamaay Qayya kee tet dariifal sugte gaandoodih amma 'yaanam takke baaxok ten.

²⁹ Manassek rade mari, Beet-Saqan kee Magiddo kee Taqnak kee Door kee too magaaloolih dariifal sugte gaandoodil gacen. Israayil-baxi Yuusufuk rade mari elle gacem too baaxo.

AASERIK RADE MARA

³⁰ Aaser lab-xaylok ferey xaleeh; migaaqah Imna kee Yiswa kee Iswi kee Beriiqa deqsitak yenen. Ken maqanxá Serac deqsitak ten.

³¹ Beriiqa, Ceebar kee Malkeel xale. Malkeel, Birdawit deqsitta magaala xise.

³² Ceebar, Yaflet kee Soomer kee Cootam deqsitta lab-xaylo xale. Kaadu Suqa deqsitta baxá xale.

³³ Yafletiiy, Faaxak kee Bimhal kee Qaswat xale.

³⁴ Soomeriiy, Aci kee Rohga kee Yacubba kee Aram xale.

³⁵ Kay toobokoyti Celem, Xoofac kee Imnaq kee Seelis kee Qaamal xale.

³⁶ Xoofacaay, Suwac kee Carnefer kee Suqal kee Beeri kee Yimra kee

³⁷ Bexer kee, Cood kee, Samma kee, Silsa kee, Itran kee Beera xale.

³⁸ Yeter, Yafunne kee Fisfa kee Ara xale.

³⁹ Qulla, Arac kee Canwiyel kee Rixya xale.

⁴⁰ A mari inkih Aaserik rade maraay; oson inkih yeexegen gulubwah saqoltih sugeenih, qande le qaskarah yeneeniih, timixxigeh miroctih yenen. Ken migooqa elle tan kitaabal, keenik rade maray qeebih bical yene labaatanna kee lica alfi akkuk yen.