1 Aydaad 2 - NABUWWA KEE MALIKWA

YAQKUUB BAXA YUUDAK RADE MARA

^1-2 Yaqkuub xale lab-xaylo ah keeni: Ruuben kee Simqaanaay, Leewi kee Yuudaay, Issakar kee Dabloonuuy, Daan kee Yuusufuuy, Benyam kee Naftaaliiy, Gaad kee Aaseri.

³ Yuuda, Kanqaanah tooboke barray abba akak Suqa deqsitehiyyat lab-xaylok sidoc xale. Migaaqah Qeer kee Onanaay, Saalec deqsitak yenen. Qeer YALLIH garil uma numuk teneeh, tonna leemiik YALLI xayih kaa qide.

⁴ Yuuda kay baxih gubnay Tamaari deqsittat Fares kee Dara xale. Lab-xaylo kaak sittat konoy tekke.

⁵ Fares xale lab-xaylo: Cesram kee Camulu.

⁶ Dara xale lab-xaylo konoy tekkeeh; migaaqah Dimriiy Etanaay Heemanaay Kalkol kee Dardaq deqsitak yenen.

⁷ Karmi, Qaakar xale. Yalli isi marak, Mahaysitinay bayisa akak iyye duyyek tu, Qaakar haysitta heeh, Israayil maral umam baahe.

⁸ Etan, Qadarya xale.

⁹ Cesram xale lab-xaylo, Yaracmaqil kee Raamaay, Kalubay deqsitak yenen.

¹⁰ Raam Qamnadab xaleeh, Qamnadab Nacson xale. Nacson Yuuda deqsitta kedoh abbak ten.

¹¹ Nacson Salmon xaleeh, Salmon Booqas xaleeh,

¹² Booqas Yoobad xaleeh, Yoobad Yiisa xale.

¹³ Yiisa xale lab-xaylo ah keeniiy, migaq keenik bari keenik elle yani'nnal yan. Aliyabaay, Abinadabaay, Simqaay

¹⁴ Netaneliiy, Raddayaay,

¹⁵ Oxem kee Dawud deqsiten. Sittat malciin yekken.

¹⁶ Maqanxix keenik, Xaruya kee Abiigala. Xaruya lab-xaylok sidoc xalteeh; Abiisay kee Yowabaay, Qasahel deqsiten.

¹⁷ Abiigal Qamaasa xalteeh, abba kaak Yeteriy Ismaaqilto deqsita marah aabakuk yenehiyya.

¹⁸ Cesrám-Kaalib, isi barray Qaduuba deqsittahiyyat, Yeeser kee Soobabaay Ardon xale. Tohuk kalah, Yariqot deqsitta say baxá luk yen.

¹⁹ Qaduuba rabte waqdi, Kaalib Efrat abteeh; is Cuur kaah xalte.

²⁰ Cuur Uuri xaleeh, Uuri Baxalal xale.

²¹ Cesram qumrik lactam gufe saaku, Makir-baxát Sagub xale. Makir, Gilqadak abbak ten.

²² Sagub, Yaaqir xale. Yaaqir Gilqad-rakaakayal labaatanna kee sidiica magaala luk yen.

²³ Tohuk lakal Gasur kee Aramal dardarte abbobti Gilqadat qeebi abteeh; lactam magaala yibbixen. Yaaqir wokkel luk suge gaandoodi kee Kenat deqsitta magaala kee tet dariifal tan mandarwa inkih yibbixen. Woo baaxol suge mari inkih, Makirik rade mara.

²⁴ Cesram, Kaalib-Efrata deqsita aracal rabe. Usuk rabek lakal, kay barray Abiyya deqsitta, Ascur kaah xalte. Ascur, Takooqa deqsita aracal abba yekke.

²⁵ Cesramak naharsi-baxah yen Yeracmaqil deqsita numih xaylo ah keeni: Raamay naharsi-baxah yene kee, Buunaay Ooreniiy Oxem kee Aciiya.

²⁶ Yeracmaqil kaadu nammayhaytô barra luk yeneeh; tet migaq Qataarak ten. Is Onam kaah xalte.

²⁷ Yeracmaqilik naharsi-baxi Raam, Maqax kee Yaaminiiy, Qeker xale.

²⁸ Onamak lab-xaylo, Samma kee Yadaq deqsitak ten. Samma, Nadab kee Abiisur xale.

²⁹ Abiisur barra, Abicayil deqsitak ten. Is Acban kee Moolid kaah xalte.

³⁰ Nadabak lab-xaylo, Seled kee Affayim deqsitak ten. Seled xale'kal rabe.

³¹ Affayim Yisqi xaleeh; Yisqi Seesan xaleeh; Seesan Aclay xale.

³² Samma toobokoyti Yadaq xale lab-xaylo, Yeter kee Yonaatan deqsitak ten. Yeter xale'kal rabe.

³³ Yonaatan lab-xaylo, Feelat kee Daada deqsitak ten. A mari inkih Yeracmaqilik rade.

³⁴ Seesan lab-xaylo luk manannaay, dibuk say-xaylo xale. Usuk Masrih yooboke naqasuy Yarcaq deqsitehiyya luk yeneeh,

³⁵ woo naqasuh rihimih baxák teena yecee. Is Yarcaqah lab-baxay Qattay deqsita xalte.

³⁶ Qattay Naatan xaleeh, Naatan Dabad xale.

³⁷ Dabad Eflal xaleeh, Eflal Yoobad xale.

³⁸ Yoobad Yaahu xaleeh, Yaahu Qadarya xaleeh,

³⁹ Qadarya Celex xaleeh, Celex Elaasa xale.

⁴⁰ Elaasa Sismay xaleeh, Sismay Sallum xaleeh,

⁴¹ Sallum Yakamya xaleeh, Yakamya Alisamaq xale.

⁴² Yaracmaqilik toobokoytah yen Kaalib xale naharsi-baxi Meesaq deqsitak yen. Meesaq Diif xaleeh, Diif Mareesa xaleeh, Mareesa Cebron xale.

⁴³ Cebron lab-xaylok ferey luk yeneeh; migooqa keenik Korac kee Taffuwac kee Rekem kee Samaqa.

⁴⁴ Samaq Racam xaleeh, Racam Yorkaqam xale.

⁴⁵ Rekem Sammay xale. Sammay Maqon xaleeh, Maqon Beet-Xur xale.

⁴⁶ Kaalib caggô-gubih caggoh nikaacat abbaxuk yen barra Qeefa deqsitak ten. Is Caaran kee Mooxa kee Gaded kaah xalte. Caaran kaadu Gaded deqsita lab-baxa xale.

⁴⁷ Yahday lab-xaylo ah teeti: Regem kee Yootamaay, Gesan kee Feletiiy, Qeefa kee Saqafa.

⁴⁸ Kaalib kaadu gersi caggô-gubih caggoh nikaacat abbaxuk yen barray Maqka deqsitta luk yen. Is Seber kee Tircana xalte.

⁴⁹ Sarra kaadu Saqaf kee Sawa xalte. Saqaf Madmanna xale. Sawa Makbeena kee Gibqa xale. Kaalib kaadu Qaksa deqsitta baxá luk yen.

⁵⁰ Aki maray Kaalibik radehiyyah migooqa ah teeti. Kay barray Efrata deqsittahiyyak naharsi-baxi Cuur deqsitak yen. Cuur Sobal xale. Kiryat-Yaqaarim deqsitta magaala xissem Sobala.

⁵¹ Cuuruk nammayhaytô baxi, Salma, Beetlacam xise. Sidochaytô baxi, Caraf, Beet-Gader deqsitta magaala xise.

⁵² Kiryat-Yaqaarim xise Sobalak rade mari, Haroqe deqsita aracal gace. Manacat deqsita aracal yan marak garab kaadu kaak rade mara.

⁵³ Wohuk kalah kaadu, Kiryat-Yaqaarim deqsitta magaalal yan marak, Yitra deqsita gulub kee, Fuut deqsita gulub kee, Summa kee Misraaqi deqsitta guluubah mari inkih kaak rade mara. Xorqa kee Estool deqsitta magaaloolil yan mari kaadu woo guluubah marak yen.

⁵⁴ Beetlacam xise Salmak rade mari, Natoofa kee Qatrot-Beet-Yowab deqsita namma aracal gacen. Kaadu Manacat deqsita aracal gace namma gulubuk Xorqi deqsita gulubuh yooboke mari, Salmak rade mara kinni.

⁵⁵ Wohuk kalah kaadu, Yaabex deqsita aracal gace maray Tiqra kee Simqat kee Sukat deqsita gulubuk inkih kaxxa abbah tenem, Salma deqsita numuk ten. Woo mari inkih kutbe-abeenittek teneeh; Cammat deqsita numuk rade maray Keena akak iyyeenihiyyak yenen. Cammat, Rekab akak iyyan marih kaxxa-abbak ten.