Titus 2 - North Frisian New Testament (Clemens)

Dit 2. Kapitel.

¹ Dag lir dü, let din Forstand betäm eter di gottselig Lir.

² Di Oalden dat ja nügtern sen, iärbår, iärnsthaftig, sünd ön di Glōw, ön di Lewde, ön di Geduld.

³ Alliksa di oald Wüffen, dat ja sik stel, üs-t sik skekket foar di Helligen, dat ja Nemmen besnakke, ek Win süp, mar gud Liren iw.

⁴ Omdat ja di jung Wüffen lir, küsk tö wisen, jar Måner lew hå, en di Biärner lew hå.

⁵ Beskiden, skåmhaftig, hüsselk, mild, jår Måner önderdan, omdat ek aur Gottes Urd spottet ud.

⁶ Formåne alliksa di jung Måner tö en skekkelk Âpföring.

⁷ Allerwegen stel di sallew tö en Voarbild van gud Dåden, me en rin Lir, me Iärbarheid.

⁸ En sünd Lir, welk ek tö lasten es, omdat di Tögenspreker sik skåme mut, en nönt Arigs om üs etersi kjen.

⁹ Di Tinstknegter, dat ja jar Herren önderdånig sen, ön alle Dingen wellig sen, en nönt öntögen si.

¹⁰ Nönt foröntru, mar al gud Truheid bewise, omdat ja di Lir van Gott, üs Seligmåker, ön Alles sire.

¹¹ For Gottes Gnåd tö üs Seligheid es ön Sjün kjemmen.

¹² En halt üs iärnsthaft ön, dat wü di Gottloasheid en di Begjärligheiden eter di Wârld forlögne skel, sik ön Tügt hoald, rogtfardig en gottselig lewwe ön dös Wârld.

¹³ En tew eter di selig Höpning en Sjün van di Herligheid, hurön Gott en üs Selikmaker Jesus Kristus stråle.

¹⁴ Diär sik sallew heniwen hēd, omdat hi üs erlöset van al Üngeregtigheid, en helligt sik sallew en ein Volk, wat flitig es ön gud Werken.

¹⁵ Lir dit en formåne, en strafe me al Iärnst. Let di van Nemmen foragte.