Römer 10 - North Frisian New Testament (Clemens)

Dit 10. Kapitel.

¹ Lew Brödhem! Min Hartens Wensk en Begjäring ön min Gebet es, wat ik tö Gott foar Israel dö, dat ja selig ud.

² For ik iw jam dit Tjügnis, dat ja foar Gott iwere, mar ek me Forstand.

³ For ja kän Gottes Rogtfârdigheid ek, diär voar Gott gelt, mar ja tragte jår ein Rogtfârdigheid âptörogten, en sen di Rogtfârdigheid, diär foar Gott gelt, ek önderdån.

⁴ For Kristus es di Jend van di Wet, hokken ön höm liwt, di es rogtfârdig.

⁵ Mar Moses Skreft wel van di Rogtfärdigheid, welk üt di Wet komt: Di Mensk, diär dit däd, skel diädör lewwe.

⁶ Mar din Rogtfârdigheid, diär üt di Glow komt, said da: Sprek ek ön din Hart, hokken wel âp ön Hemmel får? Dit es nönt üders, üs Kristus djältöhålin.

⁷ Of hokken wel djälfår ön di Dipte? Dit es nönt üders, üs Kristus van Doaden âptöhalin.

⁸ Mar wat said di Skreft? Dit Urd es nai bi di, nämelk ön din Müd en ön din Hart. Dit es dit Urd van di Glow, wat wü prötje.

⁹ For wan dü di Herr Jesus me din Müd bekänst, en me din Hart liwst, dat Gott höm van Doaden apwäkt hēd, da skedt dü selig ud.

¹⁰ For wan em van Harten liwt, da ud em rogtfârdig, en wan em me di Müd bekänt, da ud em selig.

¹¹ For di Skreft said: Hokken ön höm liwt, di skel ek tö Skand ud.

¹² For hjir es nin Forskel twesken Juden en Griken, hi es disallew Herr foar jam altermål, er rik foar alle, diär höm önröp.

¹³ For hokken di Herr sin Nom onräpt, di skel selig ud.

¹⁴ Mar hur skel ja höm önröp, ön hokken ja ek liw? Hur skel ja liw ön höm, van welk ja nönt hjert ha? Hur skel ja hir sönder Pröster?

¹⁵ En hur skel ja prötje, wan ja ek stjürt ud? Alliküs er skrewwen stånt: Wat sen jar Fet dag dâlk, diär di Frēd forkindjige, en dit Guds forkindjige.

¹⁶ Mar ja ha ek altermål dit Evangilje önderdån wessen. For Jesaias said: Herr! hokken liwt üs Prötjin.

¹⁷ Sa komt di Glow dör di Prötji, en dit Hiren van di Prötji komt dör Gottes Urd.

¹⁸ Nü fråge ik: Ha I dit ek hjert? Forwår, jar Stem es ütgingen ön alle Lönden, en jar Urd hen tö Warlds-Jend.

¹⁹ Mar k si: Hed Israel dit ek wust? Moses said jest: Ik wel ju iwrig måke aur dit, wat ek min Volk es, en aur en ünforständig Volk wel ik ju fortörne.

²⁰ Mar Jesaias said-t fri üt: Ik sen fünden uden van danen, diär mi ek sågt hå; ik sen ipenbår uden voar danen, diär ek eter mi fråget.

²¹ Mar tö Israel said hi: Di hile Dai ha ik min Hunden ütstrekt tö dit Volk, wat wederspenstig es, en tögensprakt.