Matthäus 1 - North Frisian New Testament (Clemens)

Dit 1. Capitel.

¹ Döt es dit Bok van Jesus Christus sin Ofkomst, diär en Seen wiär van David, en hi wiär Abrahams Seen.

² Abraham woan Isaak tö. Isaak woan Jakob tö. Jakob woan Juda tö en sin Brödhern.

³ Juda woan Pharez en Sara tö van Thamar. Pharez woan Hezron tö. Hezron woan Ram tö.

⁴ Ram woan Aminadab tö. Aminadab woan Nahasson tö. Nahasson woan Salma tö.

⁵ Salma woan Boas tö van Rahab. Boas woan Obed tö van Ruth. Obed woan Jesse tö.

⁶ Jesse woan di Könning David tö. Di Könning David woan Salomon tö van Urias sin Wüf.

⁷ Salomon woan Roboam tö. Roboam woan Abia tö. Abia woan Assa tö.

⁸ Assa woan Josaphat tö. Josaphat woan Evangilje van Matthäus Joram tö. Joram woan Osia tö.

⁹ Osia woan Jotham tö. Jotham woan Achas tö. Achas woan Ezechia tö.

¹⁰ Ezechia woan Manasse tö. Manasse woan Amon tö. Amon woan Josia tö.

¹¹ Josia woan Jechonia tö en sin Brödhern om di Tid van di Babylonske Gefangenskep.

¹² Eter di Babylonske Gefangenskep woan Jechonia Sealthiel tö. Sealthiel woan Zorobabel tö.

¹³ Zorobabel woan Abiud tö. Abiud woan Eliachim tö. Eliachim woan Asor tö.

¹⁴ Asor woan Zadoch tö. Zadoch woan Achin tö. Achin woan Eliud tö.

¹⁵ Eliud woan Eliasar tö. Eliasar woan Matthan tö. Matthan woan Jakob tö.

¹⁶ Jakob woan Joseph tö, Maria's Man; van hör es geboren Jesus, diär Christus hjit.

¹⁷ Alle Leden van Abraham tö David sen vjurtein Leden. Van David tö di Babylonske Gefangenskep bet tö Christus sen vjurtein Leden.

¹⁸ Jesus Christus sin Geburt wiär up di Wiis sken: Diär Maria, sin Moder, me Joseph forlöwet wiär, jerdat jat töhop kjemmen wiär, kâm jü üp Wei van di hellig Geist.

¹⁹ Mar Joseph, hör Man, wiär rogtfârdig, en wild hör ek voar di Warld tö Skand måke, mar wiär sens, hör hjemmelk tö forletten.

²⁰ Mar diär hi sa sens wiär, kâm höm ön en Droom Gotts Engel ön Sjün, en said: “Joseph, Davids Seen, wiis ek bang, Maria tö din Wüf tö nemmen. For dit, diär jü üp Wei me es, dit es van di hellig Geist.

²¹ En jü skel en Seen tö Wârld bring, en sin Noom skedt dü Jesus hjit. For hi skel sin Volk selig måke van al jår Send.”

²² En dit es Alles sken, om dat dit tö folling komt, wat di Herr dȫr di Profet said heed, wan hi sprakt:

²³ “Lukke hjir, en Jungfåmen skel üp Wei kom, en en Seen tö Wârld bring, en jü wel höm Emanuel nääm let, dit es ön üüs Språk aursäät: Gott wiis me üüs!”

²⁴ Diär Joseph nü âpwåket van Sliip, död hi, allik üs di Herr Gott sin Engel höm befälen hed, en noom hör üs sin Wüf tö höm.

²⁵ Mar hi beslöp hör ek, tö dat jü di jest Seen tö Wârld brågt hed, en hjit sin Nōm Jesus, (sa wåd hi benämt).