Kolosser 4 - North Frisian New Testament (Clemens)

Dit 4. Kapitel.

¹ I Herren! wat rogt en billig es, dit bewise di Tinstknegter, en wēt, dat I uk en Herr ön Hemmel hå.

² Hoald ön me Bödigin, en wåke diärön me Danksien.

³ En bödige tö gelik uk foar üs, omdat Gott üs di Dür van dit Urd ipenmåket, om di Hjemmelkheid van Kristus üttöspreken; aur di Skildj ik uk jå bünden sen.

⁴ Omdat ik ditsalwige ipenbåre, alliküs ik sprek mut.

⁵ Wandelt me Wisheid bi danen, welk bütten voar sen, en skekke ju ön di Tid.

⁶ Ju Rede skel altid lewlik wis, en me Sålt bespränkt, omdat I wēt, hurdelling I Ark swåre skel.

⁷ Hur-t me mi stånt, dit wel Tychicus, di lew Brödher, en tru Diner, en Meårbeder ön di Herr, ju bekänt måke.

⁸ Welk ik diärom tö ju stjürt hå, omdat hi tö weten faid, hurdelling et me ju stånt, en dat hi ju Harten tröstet.

⁹ Me Onesimus, ti tru en lew Brödher, welk ju Löndsman es; Jat skel ju Alles, hur-t hjir töstånt, bekänt måke.

¹⁰ Aristarchus, min Megefangener ön din Herr, gröt ju, en Markus, di Sedskenbiären van Barnabas, van welk Befele fingen hå. Wan hi tö ju komt, da nem höm ap.

¹¹ En Jesus, diär Just hjit, welk üt di Beskjäring sen. Danen sen alining min Helpers ön Gottes Rik, welk mi en Trost wessen ha.

¹² Epafras, ju Löndsman, en Tinstknegt van Kristus, en ringt stidigs foar ju me Bödigin, omdat I foar volkommen bestun mai, en Alles voljendige, wat Gottes Wel es.

¹³ Ik iw höm dit Tjügnis, dat hi gurt Flit bewiset hēd foar ju, en foar dânen ön Laodicea, en ön Hierapolis.

¹⁴ Lukas, di Meister, di Lewst, en Demas, gröt ju.

¹⁵ Gröt di Brödhern ön Laodicea, en Nymfas, en dit Geminte ön sin Hüs.

¹⁶ En wan dit Bref bi ju voarlesen es, da måket sa, dat et uk foar dit Geminte ön Laodicea voarlesen ud, en dat I uk dit les, wat üt Laodicea skrewwen es.

¹⁷ Si tö Archippus: Se üp dit Amt, wat dü fingen hest ön di Herr, dat dü diärfoar vol dädst.

¹⁸ Min Grötnis me min Hund, Paulus. Tänk om min Keten en Banden. Gnåd wis me ju! Amen. Sollte heißen: ön.