Ipenbaring 8 - North Frisian New Testament (Clemens)

Dit 8. Kapitel.

¹ En üs hi dit sowenst Segel brok, wåd er en Stelte ön Hemmel, henbi en hoalew Stünd.

² En ik såg sowen Engeler, ja stond voar Gott, en jam wåd sowen Posaunen iwen.

³ En diär kâm en üder Engel, en stönd bi di Ålter, en hed en gold Rükkelsfat, en höm wåd vul Rükkels werk iwen, wat hi tö dit Gebet van alle Helligen jaw, üp di gold Ålter, diär voar di Trōn wiär.

⁴ En di Smok van dit Rükkelswerk me dit Gebet van di Helligen ging ap van di Engel sin Hund voar Gott.

⁵ En di Engel nom dit Rükkelsfat, en måket et vol Jöld van di Alter, en skoddet et üp di Örd. En diär kam Stemmen, en Tönderslaggen, en Leid, en Ördsjilwin.

⁶ En di sowen Engel me di sowen Posaunen hed sik bereitet, om tö posaunin.

⁷ En di jest Engel posaunet. En diär wåd Heils en Jold me Blöd formängt, en fäl üp di Örd. En dit träd Dil van di Bomer forbroan, en al dit gren Gärs forbroan.

⁸ En di üder Engel posaunet. En hat wiär, üs stört en gurt Barig, diär ön lägt Log broan, ön di See, en dit träd Dil van di See wad Blöd.

⁹ En dit träd Dil van di lewendig Skåpninger ön di See stoarw; en di träd Part van di Skepen ging önder.

¹⁰ En di träd Engel posaunet. En diär fäl en gurt Stiär van Hemmel, di broan üs en Fakkel, en fäl üp di träd Dil van di Weterstromer en üp di Wetersoaden.

¹¹ Di Stiär hjit Wormken; en dit träd Dil wad Wormken. En vul Mensken stoarw van dit Weter, for hat wiär sa barsk uden.

¹² En di vjart Engel posaunet. En di träd Dil van di Sen, en di träd Dil van di Mun, en dit träd Dil van di Stiären wåd slain, dat di träd Dil diärvan ön Junkens kam, en di träd Dil van di Dai forlos sin Skin, en di Nagt allika.

¹³ En ik såg, en ik hjert en Engel flöen medden dör di Hemmel en sien me gurtem Stem: We, we, we! danen, welk üp di Örd une, voar di üder Stemmen van di tri Engeler jar Posaunen, diär jit posaune skel.