Ipenbaring 20 - North Frisian New Testament (Clemens)

Dit 20. Kapitel.

¹ En ik såg en Engel van Hemmel djälkommen, di hed di Kai tö di Dīpte, hur nin Gründ es, en hi hed en gurt Ketting ön sin Hund.

² En hi grep di Dråk, di oald Slang, welk di Düwel es, en di Satan, en boand höm düsend Jår.

³ En stört höm ön di Dipte sönder Gründ, en forsegelt diär bowen üp, omdat hi di Heiden ek moar forför skuld, bet dat di düsend Jår foljendigt wis skuld, en diäreter mut hi en kurt Tid loas kom.

⁴ En ik sag Stöler, en ja sät sik diärüp, en dit Gerigt wåd jam auriwen, en ik sag di Silen van dânen, welk di Haud ofslain uden sen, om di wel van Jesus sin Tjügnis, en om di wel van Gottes Urd, en dânen, welk dit Bēst en dit Bild van dit Bēst ek önbödigt hå, en sin Markteken ek önnommen hå ön jår Vorhaud en üp jar Hund: Dössen lewwet en regiret üs Könninger me Kristus düsend Jår.

⁵ Mar di üder Doaden wåd ek weder lewendig, bet dat di düsend Jår voljendigt wåd. Dit es dit jest Apstunen.

⁶ Selig es di en hellig, diär Dil hēd ön dit jest Apstunen; aur Sokken hēd di üder Doad nin Magt, mar ja skel Gottes Pröster, en Kristus sin wis, en me höm düsend Jår herske.

⁷ En wan di düsend Jår tö Jend sen, skel di Satan loas kom üt sin Gefängnis.

⁸ En hi skel ütgung, om di Heiden tö forfören ön di vjur Hokker üp di Örd, di Gog en Magog, om Jam tö forsåmelin tö en Krig, huns Getal es üs di Sönd bi di See.

⁹ En ja sen âpkjemmen üp di Brēdte van di Örd, en omringten dit Lågerplåts foar dit Heer der Helligen, en di lew Stad. En diär kâm Für djäl van Gott üt di Hemmel, en hēd jam forslingt.

¹⁰ En di Düwel, diär jam forleitet, wad ön di fürig Pul van Swåwel smetten, hur dit Bēst en di falsk Profet wiär; en ja skel pinigt ud Nagt en Dai ön alle Ewigheid.

¹¹ En ik sag en gurt wit Tron, en disallew, welk diärüp sēt, voar sin Ansegt flögt di Örd en di Hemmel, en diär wåd nin Steid foar jam fünden.

¹² En ik såg di Doaden, bid gurt en litj stunen voar Gott, en di Bokker wad ipenmåket, en uk en üder Bok wåd er ipenmåket, wat dit Lewents-Bok es. En di Doaden wåd rigtet eter di Skreft ön di Bokker eter jår Werken.

¹³ En di See jåw di Doaden, welk diärön wiär, en di Doad en di Hel jåw di Doaden, welk diärön wiär; en ja wad rigtet, Ark eter sin Werken.

¹⁴ En di Doad en di Hel wåd djälsmetten ön di glemmen Jöld-Pul. Dit es di taust Doad.

¹⁵ En wan er hokken fünden ud, dat hi ön dit Lewents-Bok ek skrewwen es, di ud djälsmetten ön di glemmen Jöld-Pul.