Filemon 1 - North Frisian New Testament (Clemens)

¹ Paulus, en Gefangener van Jesus Kristus, en Timotheus, di Brödher, on Filemon, üs lew Mearbeider.

² En Appia, di lew Wüf, en Archippus, üs Mestrider, en dit Geminte ön din Hüs.

³ Gnade wis me ju en Fred van Gott, üs Våder, en di Herr Jesus Kristus.

⁴ Ik danke min Gott, en tänk altid om di ön min Gebet.

⁵ Eter dat ik hir van di Lewde en di Glow, welk dü hest ön di Herr Jesus, en tögen alle Helligen.

⁶ Dat din Glōw, diär wü me arküder ha, ön di sin Kraft bewiset, dör Känels van al dit Guds, wat I hå ön Kristus Jesus.

⁷ Mar wü ha gurt Frügged en Trost aur din Lewde, for di Helligen jår Harten sen erkwikket uden dör di, lew Brödher.

⁸ Diärom, alhurwel ik gurt Frügged ön Kristus ha, di tö befjälen, wat di gebört.

⁹ Da wel ik dag di bed ön di Lewde, sa üs ik sen, Paulus, en oald Man, mar nu uk en Gefangener van Jesus Kristus.

¹⁰ Ik bed di da om min Seens wel, Onesimus, welk ik töwonnen hå ön min Banden.

¹¹ Diär tövoaren foar di ünnet wiär, mar nü foar di en mi wel net es, höm ha ik wederstjürt.

¹² Mar dü wedt höm, hi es min ein Hart, âpnem.

¹³ For ik wild höm bi mi behoald, dat hi mi ön din Steid tinet ön di Banden van-t Evangilje.

¹⁴ Mar sönder din Wel wild ik nönt dö, omdat din Guddön ek üs en Twong wis skuld, mar friwellig.

¹⁵ Meskin es hi diärom en Tidlung van di of wessen, omdat dü höm ewig weder hå skudt.

¹⁶ Nü ek moar üs en Tinstknegt, mar moar üs en Tinstknegt, en lew Brödher, senderlik mi, mar om hur vul moar di, bid ön dit Flēsk en ön di Herr.

¹⁷ Wan dü mi nü haltst foar din Frindj, da nem ik ön, dat dü höm âpnem wedt, alliküs mi sallew.

¹⁸ Mar wan hi di wat Skåd dön hed, of di wat skildjig es, dit rekene mi tö.

¹⁹ Ik Paulus ha dit skrewwen me min ein Hund, ik welt betåle; omdat ik ek ederst si, dat dü mi wat skildjig best.

²⁰ Ja, lew Brödher! gön mi, dat ik mi aur di frügge ön di Herr, erkwikke min Hart ön di Herr.

²¹ Ik hå ön Fortruen tö di Fölligsomheid ön di skrewwen, foar ik wēt, dü wedt moar dö, üs ik si.

²² Me ditsallew bereite mi en Herbârig; for ik höpe, dat ik dör ju Bödig ju skǟnkt ud.

²³ Epafras, min Megefangener ön Kristus Jesus, gröt di.

²⁴ Markus, Aristarchus, Demas, Lukas, min Helpers.

²⁵ Di Gnad van üs Herr Jesus Kristus wīs me ju Geist! Amen.