3 Johannes 1 - North Frisian New Testament (Clemens)

Dit 1. Kapitel.

¹ Di Iäldst, ön di lew Gajus, welk ik ön Wårheid lew ha.

² Min Lewst! Ik wenske voar allen Dingen, dat et di wel geid, en dat dü sünd best, üs-t da uk din Seel wel gung mai.

³ Ik ha mi rogt vul frügged, üs di Brödhern kam, en tjügt van di Wårheid, alliküs dü wandelst ön di Wårheid.

⁴ Ik ha nin gurter Frügged üs di, wan ik hir, dat min Biärner ön di Wårheid wandele.

⁵ Min Lewst! dü dädst tru, wat dü dädst ön di Brödhern en ön di Främenden.

⁶ Diär van din Lewde tjügt hå voar dit Geminte; en dü dädst wel, wan dü jam firder forthelpst, sa üs Gott dit hå wel.

⁷ For om sin Noms wel sen ja ütgingen, en ha van di Heiden nönt önnommen.

⁸ Diärom sen wü skildjig, Sokken öntönemmen, omdat wü Mehelpers foar di Wårheid ud.

⁹ Ik hå ön dit Geminte skrewwen, mar Diotrefes, diär mung jam foar di Gurtst önsen wis wel, nemt üs ek ön.

¹⁰ Diärom wan ik kom, wel ik höm ön sin Werken erinnere, welk hi däd; en sladdert me ârig Urden om üs; en dit es höm ek jit nog. Hi sallew nemt di Brödhern ek ön, en danen, diär dit dö wel, wiäret hi of, en skopt jam üt dit Geminte.

¹¹ Min Lewst! föllige ek eter dit Arig, mar eter dit Guds. Hokken Guds däd, di es van Gott; hokken Arigs däd, di sjogt Gott ek.

¹² Demetrius hēd Tjügnis van Arkjen, en van di Wårheid sallew; en wü tjüg uk, en I wēt, dat üs Tjügnis wår es.

¹³ Ik ha vul tö skriwen, mar ik wild ek me Feder en Blak ön di skriw.

¹⁴ Mar ik höpe, di bald tö sen, da wel wat naier diäraur me arküder snakke.

¹⁵ Fred wis me di. Di Frindjer gröt di. Gröt di Frindjer, ark senderlik.