2 Thessaloniker 2 - North Frisian New Testament (Clemens)

Dit 2. Kapitel.

¹ En wü bed ju, lew Brödhern! vanwegen üs Herr Jesus Kristus sin Tökomst en üs Töhopkomst bi höm.

² Dat I ju ek sa gau bewege let van ju Sen, en ju ek ön Ünru sät let, nogweder dör di Geist, of dör dit Urd, of dör Brewer, üs wan dânen van üs stjürt wiär, dat di Dai van Kristus nai bevoarstånt.

³ Let ju van Nemmen forför, üp nin Wis. For hi komt ek, hat mai da wis, dat di Offal tövoaren komt, en di sendig Mensk en di fordürwen Seen ipenbåret ud.

⁴ Diär sik apsät en âphēwt aur Alles, wat Gott en Gottes Iär hjit, sa dat hi sik sät ön Gottes Tempel üs en Gott, en jewt sik diärfoar üt, dat hi Gott es.

⁵ Tänk I ek diärom, dat ik ju dit said, üs ik bi ju wiär?

⁶ En I wet, wat höm nü jit töreg halt, tö dat hi ipenbåret ud tö sin Tid.

⁷ For di Ünrogtfârdigheid reget sik al hjemmelk, sonder dat di, diär-t nü âphalt, mut wegnommen ud.

⁸ En da skel di Bösewigt ipenbåret ud, welk di Herr ombring wel me di Geist üt sin Müd, en fornigte höm dör di Ipenbåring bi sin Tökomst.

⁹ Sin Önkomst skel ske eter Satans Kraft me allerlei lögenhaftig Teken en Wunder.

¹⁰ En me allerlei gottloas Bedraieri tö Ünrogtfardigheid mung danen, welk forlesen gung, diäraur, dat ja di Lewde tö di Wårheid ek önnommen ha, om selig tö uden.

¹¹ Diärom wel Gott jam en magtig Dwåling stjür, dat ja di Lain līw.

¹² Omdat dit Gerigt aur alle komt, welk di Wårheid ek liw, mar tö di Ünrogtfârdigheid Lest hå.

¹³ Mar wü skel Gott altid danke foar ju, lew Brödhern,! welk Gott lew hed, dat I van Gott ütwälet sen van Begen of ön tö di Seligheid, ön di Helligmåking dör di Geist en ön di Glow van di Wårheid.

¹⁴ Diärön hi ju beröpen hēd dör üs Evangilje, tö üs Herr Jesus Kristus sin Herrelkheid foar sin Einen.

¹⁵ Sa stun nü, lew Brödhern! en hoald ju ön di Fastsätings, üs ju dit lirt uden es, hat mai wis dör Urd, of dör Bref.

¹⁶ Mar hi, üs Herr Jesus Kristus, en Gott en üs Våder, diär üs lew hed, en üs en ewig Trost en en gud Höpning üt Gnaden iwen hēd.

¹⁷ Hi formane en tröste ju Harten, en stark ju ön allerlei Lir en gud Werken.