2 Korinther 6 - North Frisian New Testament (Clemens)

Dit 6. Kapitel.

¹ En wü, üs Mehelper, bed ju, dat I Gottes Gnad ek foriws fo mai.

² For hi said: Ik ha di ön di Gnaden-Tid hjert, en ha di üp di Reddings-Dai holpen. Betänk, nü est di Gnaden-Tid, nü est di Reddings-Dai.

³ Mar let üs Nemmen üp di jen of Üder Wis en Önstot iw, omdat üs Amt ek last ud.

⁴ Mar foar allen Dingen let üs, om wel leden tö uden, üs bewise üs Diner Gottes ön gurt Geduld, on Trungheid, ön Noad, ön Benautheid.

⁵ Ön Slikker, ön Gefangenskep, ön Aprör, ön Nagtwåkin on Fastin.

⁶ Ön Rinheid, ön Känels, ön Sagtmudigheid, ön Welligheid ön di hellig Geist, ön Lewde sönder Forstelling.

⁷ Ön dit Urd van di Wårheid, ön Gottes Kraft, dör Wåpen me Geregtigheid, bid tö di rogt, en tö di left Sid.

⁸ Dör Iär en Skemp, dör slim en gud Gerügten, üs di Forförers, en dag wårhaftig.

⁹ Üs di Unbekänten, en dag bekänt; üs ön Doadsgefår, en se, wü lewwe; üs di Ofstråften, dag ek doad slain.

¹⁰ Üs bedrüwwet, mar altid blid; üs di Armen, mar dag Vulen rik måke; üs sokken, diär nönt ha, mar dag Alles hå.

¹¹ O I Korinther! üs Müd hed sik tö ju apdön, us Hart es rum.

¹² Om üs wel tört I ju ek Ungstige. Mar dat I ju Ungstige, dit dö I eter ju Hartens Mining.

¹³ Ik sprek me ju üs me min Biärner, dat I ju uk sa tögen mi stel, en ha uk en rüm Hart.

¹⁴ Ti ek ön dit främed Jok me di Ünglowigen. For wat hed di Geregtigheid foar Genēt me di Ungeregtigheid? Watfoar en Geminskep hed dit Lägt me dit Junkens?

¹⁵ Hur stemmet Kristus me Belial? Of watfoar en Dil hēd di Glowig me di Ünglowig?

¹⁶ Watfoar en Lik hed Gottes Tempel me di Ofgotten? Mar I sen di lewendig Gott sin Tempel, alliküs Gott sprakt: I wel ön jam une, en ön jam wandele, en wel jår Gott wis, en ja skel min Volk wis.

¹⁷ Diärom gung üt van jam, en sendert ju of, said di Herr, en rör dit Ünrins ek ön, da wel ik ju önnem.

¹⁸ En ju Vader wis, en I skel min Seens en min Dagters wis, said di almagtig Herr.