2 Korinther 13 - North Frisian New Testament (Clemens)

Dit 13. Kapitel.

¹ Döt es et trädmal, dat ik tö ju kom, nü skel ark Såk dör tau of tri Tjügen ütmåket ud.

² Ik hå-t ju tövoaren said, en si ju dit weder tövoaren, üs ön döt Ogenblek, di taust mål, en skriw dit nü, fir van ju of, danen, welk tövoaren sik forsendigt hå, en di Üdern al, dat wan ik weder kom, da wel ik jam ek skoanige.

³ Wil I sjuk, omdat I jenmal dit wår ud, diär ön mi sprakt, nämelk Kristus, diär ön ju ek swak es, mar hi es magtig bi ju.

⁴ En alhurwel hi krütsigt es ön di Swakheid, da lewwet hi dag ön Gottes Kraft. En wan wü uk swak sen ön höm, da lewwe wü dag me höm dör Gottes Kraft ön ju.

⁵ Forsjuk ju sallew, of I ön di Glow sen, prowe ju sallew. Of kän I ju sallew ek, dat Jesus Kristus ön ju es? Hat mai da wis, dat I üntügtig sen.

⁶ Mar ik höpe, dat I inse, dat wü ek üntügtig sen.

⁷ En ik bed Gott, dat I nönt Arigs dö; ek diärom, omdat wü foar tügtig önsen ud; mar omdat I dit Guds dö, en wü üs di Üntügtigen sen.

⁸ For wü kjen nönt tögen di Wårheid, mar foar di Wårheid.

⁹ Mar wü frügge üs, wan wü swak sen, en I stark sen. En dit sallew wenske ik uk, nämelk ju Voarskelkeid.

¹⁰ Diärom skriw ik uk, fir van ju of, omdat ik ek, wan ik bi ju sen, Strängheid brük mut, eter di Magt, welk di Herr mi iwen hed, om tö beterin, mar ek om tö fordârwin.

¹¹ Tölest, lew Brödhem! frügge I ju, dö vol diär foar, tröste ju, hå jens Sen, lewwe ön Frēd; en da wel Gottes Lewde en Fred me ju wīs.

¹² Gröt arküder me di hellig Tåtj. Alle Helligen gröt ju.

¹³ Di Gnad van üs Herr Jesus Kristus, en di Lewde van Gott, en di Geminskep van di hellig Geist wis me ju al. Amen.