1 Korinther 13 - North Frisian New Testament (Clemens)

Dit 13. Kapitel.

¹ Wan ik me Mensken=en me Engel=Tungen sprok, en hed di Lewde ek, da wiär ik en klingend Metal, of en skallend Skel.

² En wan ik spoai küd, en wust alle Forborgenheiden en al Wetenskep, en hed tö Alles di Glow, sa dat ik Bâriger forsät, en hed di Lewde ek, da wiär ik nönt.

³ En wan ik al min Gud ön di Armen jaw, en let min Likhäm bren, mar hed di Lewde ek, da gagent mi dit nönt.

⁴ Di Lewde es saftmudig en gudwellig, di Lewde es ek nidsk, di Lewde drewt ek Legtfardigheid, jü es ek apblögen.

⁵ Jü handelt ek ünskekkelk, jü sjukt ek hör ein, jü let sik ek better make, ju hed nin Grol.

⁶ Jü frügget sik ek aur di Ünrogtfardigheid, mar frügget sik aur di Warheid.

⁷ Jü fordrait Alles, liwt Alles, höpet Alles, duldet Alles.

⁸ Di Lewde forgeid oller; wan uk di Gåw tö profeseien âphjert, en di Spraken aphir, en di Känels âphjert.

⁹ For üs Weten es en litj Part, en üs Spoaien es in litj Part.

¹⁰ Mar wan dit Volle komt, da mut dit, wat en Dil es, aphir.

¹¹ Üs ik en Biären wiär, da sprok ik üs en Biären, en wiär klok üs en Biären, en hed Aurleg üs en Biären, mar diär ik en Man wåd, da leid ik dit Biärenaftige of.

¹² Wü se nü dör en Speil ön en junk Språk, mar da skel wü se van Ansegt tö Ansegt. Nü kän ik dit stekwis, mar da skel ik dit kän, alliküs ik sallew känt ud.

¹³ Mar nü blewt Glow, Höp en Lewde, di tri, dag di mist van dânen es di Lewde.