1 Korinther 1 - North Frisian New Testament (Clemens)

Dit 1. Kapitel.

¹ Paulus, beröpen tö Apostel van Jesus Kristus, dör Gottes Wel, en Brödher Sosthenes.

² Dit Geminte Gottes ön Korinth, di Helligten ön Kristus Jesus, di beröpenen Helligen, samt al danen, diär üs Herr Jesus Kristus sin Nom önröp, ön al jår, en üs Plåtsen.

³ Gnad en Fred wis me ju van Gott, üs Våder, en di Herr Jesus Kristus Jesus.

⁴ Ik danke min Gott langsen om ju wel, vanwegen Gottes Gnade, diär ju iwen es ön Kristus Jesus.

⁵ Dat I dör höm rik uden sen ön di hile Lir en ön al Wetenskep.

⁶ Alliküs di Prötji van Kristus ön ju kraftig uden es.

⁷ Sa dat I nin Mangel ha om en iningst Gaw, en tew man üp di Ipenbåring van üs Herr Jesus Kristus.

⁸ Hi wel ju uk fasthoald bet tö Jend tö, om ek stråfbår tö wisen üp üs Herr Jesus Kristus sin Dai.

⁹ For Gott es tru, dör höm sen I beröpen tö di Geminskep me sin Seen Jesus Kristus, üs Herr.

¹⁰ Mar ik formåne ju, lew Brödhem! dör üs Herr Jesus Kristus sin Nom, dat I altermål likdelling bekän, en let nin Forskel mung ju wis, mar hoald me arküder fast töhop, wis jens Sens, ön jen en disallew Mining.

¹¹ For hat es mi said uden, lew Brödhern! van danen üt Chloes Hüs, dat I Strid mung arküder ha.

¹² Ik si diärvan, dat er mung ju di Jen sprakt: Ik hoald-t me Paulus, di Üder, ik hoald-t me Apollo, di träd, ik hoald-t me Kefas, di viärt, ik hoald-t me Kristus.

¹³ Es Kristus da nü dilet? Es Paulus da foar ju krütsigt? Of sen I ön Paulus sin Nom kressent uden?

¹⁴ Ik danke Gott, dat ik Nemmen van ju kressent hå, voarbütten Crispus en Gajus.

¹⁵ Omdat er ek hokken si mai, ik hed üp min Nom kressent.

¹⁶ Mar ik ha di Lid ön Stefanus Hüs kressent; firder wet ik ek, of ik hok Üdern kressent hå.

¹⁷ For Kristus hed mi ek stjürt, om tö döpin, mar om dit Evangilje tö forkindigen; en me klok Urden, omdat Kristus Krüts ek di Kraft diäraur forlast.

¹⁸ For dit Urd van dit Krüts es Tabigheid foar danen, welk forlesen gung; mar foar üs, diär behölden sen, om selig tö uden, es dit en Kraft van Gott.

¹⁹ For diär stånt skrewwen: Ik wel di Wissen jår Wetenskap tö nönt make; en di Forständigen jår Forstand nönt rekene.

²⁰ Hur sen di Wissen? Hur sen di Skreftlirten? Hur sen di Wârlds kloken? Hed Gott ek di Warlds Klokheid tö Tabigheid maket?

²¹ For wil di Warld dör hör Wisheid Gott ön sin Wisheid ek küd, håget et Gott wel, dör tåbig Prötji al dânen selig tö måkin, welk diärön liw.

²² Voaral diäraur, dat di Juden Teken forlang, en di Griken om Wisheid fråge.

²³ Mar wü prötje di krütsigt Kristus, foar di Juden en Argernis, en foar di Griken Döwigheid.

²⁴ Mar danen, diär beröpen sen, bid Juden en Griken prötje wü Kristus, Kraft van Gott en Wisheid van Gott.

²⁵ For Gottes Döwigheid es wisser üs di Mensken sen; en Gottes Swakheid es starker üs di Mensken sen.

²⁶ Betänk, lew Brödhem! watfoar hokken I sen ön ju Berōp: dat I ek vul wis sen eter dit Flesk, ek vul Gewaltigen, ek vul Voarnemmen.

²⁷ Mar wat tåbig es voar di Warld, dit hed Gott ütwälet, omdat hi de Wisen tö Skand måket; en wat swak es voar di Warld, dit hēd hi ütwälet, omdat hi tö Skand måket, wat stark es.

²⁸ En di Nederigen voar di Warld, en dit Foragtelk hēd Gott ütwälet, en dit, wat nönt es, omdat hi tö nönt maket, wat voarnem wis wel.

²⁹ Omdat voar höm sik nin Flesk römet.

³⁰ Van höm stamme I of on Kristus Jesus, diar us van Gott måket es tö Wisheid, en Geregtigheid, en tö Helligmaking, en tö Oflösing.

³¹ Omdat et es, alliküs er skrewwen stånt, hokken sik römet, di röme sik ön di Herr.