1 Johannes 1 - North Frisian New Testament (Clemens)

Dit 1. Kapitel.

¹ Wat van jest Begen wiär, wat wü hjert hå, wat wü sen ha me üs Ogen, wat wü beskauet ha, wat üs Hunden betastet hå, van dit lewendig Urd.

² En dit Lewent es ön Sjün kjemmen, en wü hå-t sen, en betjüg en forkindjige ju dit Lewent, wat ewig es. Hat wiär bi di Våder, en es üs ön Sjün kjemmen.

³ Wat wü sen en hjert ha, dit forkindjige wü ju, omdat I uk me üs Geminskep hå; en üs Geminskep skel me di Våder, en me sin Seen Jesus Kristus wis.

⁴ En dit skriw wü ju, omdat ju Frügged volkommen wis mai.

⁵ En dit es di Forkindjiging, welk wü van höm hjert hå, en ju forkindjige, dat Gott en Lägt es, en ön höm es nin Junkens.

⁶ Wan wü si, dat wü Geminskep me höm ha, en wandele ön Junkens, da lög wü, en dö ek eter di Warheid.

⁷ Mar wan wü ön-t Lägt wandele, alliküs hi ön-t Lägt es, da hå wü Geminskep me arküder; en dit Blöd van Jesus Kristus, sin Seen, måket üs rin van al Send.

⁸ Wan wü si, dat wü nin Send ha, da bedrai wü üs sallew, en di Wårheid es ek ön üs.

⁹ Mar wan wü üs Send bekän, da es hi tru en rogtfârdig, dat hi üs di Send forjewt, en rensket üs van al Ündögt.

¹⁰ Wan wü si, wü ha üs ek forsendigt, da måke wü höm tö en Lögner, en sin Urd es ek ön üs.