एस्तर 10 - नेवाः बाइबलमोर्दकैनं याःगु तःधंगु ज्या 1 जुजु अहासूरसं थःगु देशया मूख्य भागय् च्वंपिं व समुद्रया टापुइ च्वंपिं सकलें मनूतय्त कर पुइकल। 2 जुजुया अधिकार, तःधंगु ज्यात अले गुकथं मोर्दकैयात तःधंगु पदया निंतिं ल्ययाः, उपिं फुक्क खँ फारस व मादीया जुजुयागु इतिहासया सफुलिइ च्वयातःगु दु। 3 जुजुया क्वय्या दर्जायाम्ह यहूदी मोर्दकै छम्ह हे जक खः। व यहूदीत मध्ये छम्ह हे जक तसकं तःधंम्ह व नांजाःम्ह खः। अले व थःगु देशय् थः यहूदी दाजुकिजापिनि दथुइ तसकं भिंम्ह जुल छाय्धाःसा वं थःमनूतय्गु भिं यानाः सकल यहूदीतय्त बचय् यात। |
© 2024 Nepal Bible Society, Newa Christian
Literature Center and Wycliffe Bible Translators, Inc.
Wycliffe Bible Translators, Inc.