१ इतिहास 4 - नेवाः बाइबलयहूदाया सन्तान 1 यहूदाया सन्तान – फारेस, हेस्रोन, कर्मी, हूर व शोबाल। 2 शोबालया काय् रायाह यहतया बाः खः। यहत अहूमै व लहदया बाः खः। सोरातीतय् वंश थुपिं हे खः। 3 एतामया काय्पिं – यिजरेल, यिश्मा व यिदबश खः। इमि केहेँया नां हस्सलेलपोनी खः। 4 पनूएल गदोरया बाः खः, अले एसेर हूशया बाः खः। हूर एप्रातया न्हापां बूम्ह काय् खः, एप्रात बेथलेहेम शहर पलिस्था याःम्ह खः। 5 तकोया बाः अश्शूरया निम्ह कलाःपिं दु। थुमिगु नां हेलह व नारा खः। 6 नारां अहुज्जाम, हेपेर, तेमेनी व हाहशतारीयात बुइकल। नाराया सन्तान थुपिं हे खः। 7 हेलहया काय्पिं – सेरेथ, सोहोर, एतनान व कोस खः। 8 कोस आनूब व हज्जोबेबा अले हारूमया काय् अहर्हेलया वंशतय् बाः खः। 9 याबेस थः दाजुकिजापिं स्वयाः इज्जत दुम्ह खः। मांम्हय्सिनं वयात याबेस नां ब्यूगु खः। छाय्धाःसा व बूबलय् मांम्हय्सिनं यक्व कसाः नःगु खः। 10 तर याबेसं इस्राएलयाम्ह परमेश्वरयात थथे धकाः प्रार्थना यात, “हे परमेश्वर, जितः आशिष बियादिसँ। जितः तःकूगु इलाका बियादिसँ। जिं यानागु न्ह्यागु नं ज्याय् छि जिनापं च्वनादिसँ। जितः कसाः बीगु दुःखपाखें बचय् यानादिसँ।” अले परमेश्वरं वयागु बिन्ति न्यनादिल। 11 शूहहया किजा कबूल मेहीरया बाः खः, मेहीर एश्तोनया बाः खः। 12 एश्तोन बेथ-रापा, पसेह व तहिन्नाया बाः खः। तहिन्ना इर-नाहशया बाः खः। थुपिं रेकायापिं मनूत खः। 13 कनजया काय्पिं – ओत्निएल व सरायाह। ओत्निएलया काय्पिं – हतत व मोनोतै खः। 14 मोनोतै ओप्राया बाः खः। सरायाह योआबया बाः खः। अले योआबं गे-हरशीम पलिस्था यात। थुकियात गे-हरशीम धाल छाय्धाःसा अन ज्या सःपिं शिल्पकारत च्वनीगु खः। 15 यपुन्नेया काय् कालेबया काय्पिं – ईरू, एलाह व नआम खः। एलाहया काय् कनज खः। 16 यहललेलया काय्पिं – जीप, जीपा, तीरया व असरेल खः। 17 एज्रहया काय्पिं – येतेर, मेरेद, एपेर, यालोन खः। मेरेदं ब्याहा याःम्ह फारोया म्ह्याय् बित्याहं मिरियम, शम्मै व म्ह्याय् बित्याहं मिरियम, शम्मै व एश्तमोया बाः यिश्बहलयात बुइकल। 18 मेरेदया मेम्ह यहूदी कलाः धाःसा गदोरया बाः येरेद, सोखोया बाः हेबेर व जानोहया बाः यकूतीएलया मां खः। 19 होदियाहया कलाः नहमया केहेँया काय्पिं – गेरेमी कीलाहया बाः व माकाती एश्तमो खः। 20 शिमोनया काय्पिं – अमनोन, रिन्ना, बेन-हानान व तीलोन खः। यिशीया काय्पिं – जोहेत व बेन-जोहेत खः। 21 यहूदाया काय् शेलहया काय्पिं – लेकाया बाः एर्, मारेशाया बाः लादा अले बेथ-अश्बेयाय् च्वंपिं मलमलया कापः दय्किपिनि वंश, 22 योकीम, कोजेबाय् च्वंपिं मनूत अले योआश व साराप गुम्ह मोआब व यशूबी-लेहेमय् शासन याइम्ह खः। थुपिं नां धलः तसकं पुलांगु खः। 23 थुपिं नतैम व गदेराय् च्वनिपिं कुमाःत खः। अले अन जुजुनापं च्वनाः जुजुयागु ज्या याइगु खः। शिमियोनया सन्तान 24 शिमियोनया सन्तान नमूएल, यामीन, यारीब, जेरह व शौल खः। 25 शौलया काय् शल्लूम खः। शल्लूमया काय् मिब्साम खः। मिब्सामया काय् मिश्मा खः। 26 मिश्माया सन्तान हम्मूएल, जक्कूर व शिमी खः। 27 शिमीया झिंखुम्ह काय्पिं – व खुम्ह म्ह्याय्पिं दु। तर वया किजापिनि यक्व मस्त मदु। उकिं शिमियोनया वंशयापिं मनूतय्गु ल्याः यहूदाया वंशयापिं मनूतय्गु ल्याः ति मदु। 28 इपिं च्वनीगु थाय् बेर्शेबा, मोलादा, हसर-शूआल, 29 बिल्हा, एसेम, तोलद, 30 बतूएल, होर्मा, सिक्लग, 31 बेथ-मर्काबोत, हसर-शूसीम, बेथ-बिरी व शारैम खः। दाऊदं शासन मयाःतले इमिगु शहरत थुपिं हे खः। 32 इमिगु बस्तीत एताम, ऐन, रिम्मोन, तोकेन व आशान धाःगु न्यागू शहरत 33 व बालात तक हे थुपिं शहरया जःखः च्वंगु गांत। इपिं च्वनीगु थाय् थुपिं हे खः। अले थ्व इमिगु वंशावली खः। 34 शिमियोनया मेपिं सन्तान – मशोबाब, यम्लेक, अमस्याहया काय् योशा, 35 योएल, योशिब्याहया काय् येहू, सरायाहया छय् व असीएलया छुइ खः। 36 एल्योएनै, याकोबा, याशोहायाह, असायाह, अदीएल, यसीमीएल, बनायाह, 37 अले शिपीया काय् जीजा, अल्लोनया छय् यदायाह, शिम्री व शमायाहया सन्तानत खः। 38 च्वय् नां च्वयातःपिं मनूत इमि थथःगु वंशयापिं नायःत खः। इमि मचाखाचातय्गु ल्याः अप्वयावन। 39 अले इपिं थः पशुतय्गु निंतिं ज्वयेगु थाय् मामां बेँसीया पुर्बपाखे गदोरया लिक्क तक वन। 40 इमिसं यक्व घाँय् दुगु बांलाःगु ख्यः लुइकल। इमिसं अन यक्व बांलाःगु व भिंगु थाय् लुइकल। देश तसकं तःकू सुनसान व शान्त। न्हापा अन हाम वंशयापिं मनूत च्वनीगु खः। 41 च्वय् नां च्वयातःपिं मनूत यहूदाया जुजु हिजकियाया इलय् वयाः हाम वंशयापिं च्वनीगु थाय्यात व अन दुपिं मोनी जातियापिन्त भज्यंक नाश यानाबिल। इमिसं इमिगु नां तक ल्यं मदय्क इमित नाश यानाबिल। इपिं इमिगु थासय् च्वन, छाय्धाःसा अन फै-च्वलय् ज्वयेत ख्यः दु। 42 न्यासःम्ह शिमियोनीत पुर्बपाखे एदोमय् वन। यिशीया काय्पिं – पलत्याह, नार्याह, रपायाह व उज्जीएल इमि न्ह्यलुवाः खः। 43 इमिसं अन एदोमय् बचय्जूपिं सकल अमालेकीतय्त स्यानाबिल, अले थौं तक नं इपिं अन च्वनाच्वंगु दु। |
© 2024 Nepal Bible Society, Newa Christian
Literature Center and Wycliffe Bible Translators, Inc.
Wycliffe Bible Translators, Inc.