Yesaia 12 - ŊMALƐ KRƆŊKRƆŊ LƐ

Shidaa Lala

¹ Be ko miiba, ni nakai gbi lɛ obaala okɛɛ akɛ, “Yehowa, miida bo shi, ejaakɛ omlifu mi moŋ, shi omlifu lɛ enaa ejɔ, ni oshɛje mimii.

² Naa Nyɔŋmɔ ji miyiwalaherelɔ. Mihiɛ baakã enɔ, ni misheŋ gbeyei ejaakɛ Nuŋtsɔ Nyɔŋmɔ ji mihewalɛ kɛ milala, ni lɛ nɔŋŋ etsɔ̃ miyiwalaheremɔ.

³ Nyɛkɛ nyamɔ aaayɛ nu yɛ yiwalaheremɔ bui lɛ amli.’

⁴ Ni nakai gbi lɛ, nyɛaakɛɛ akɛ, “Nyɛdaa Yehowa shi, nyɛtsɛa egbɛi lɛ. Nyɛhãa majimaji lɛ alea nibii ni efee; nyɛhãa alea akɛ egbɛi tsii.

⁵ Nyɛlaa kɛkafoa Yehowa, ejaakɛ efee nibii wuji. Nyɛhãa alea enɛ yɛ jeŋ fɛɛ.

⁶ Ao, nyɛ Zion maŋbii, nyɛbolɔa, ni nyɛnyaa, ejaakɛ Israel Mɔ Krɔŋkrɔŋ Koome ni da lɛ yɛ nyɛteŋ.”