Lalai 97 - ŊMALƐ KRƆŊKRƆŊ LƐ

Nyɔŋmɔ ji Nɔyelɔ Ofe lɛ

¹ Yehowa miiye maŋtsɛ! Shikpɔŋ lɛ mli afili lɛ! Ŋshɔkpɔi babaoo lɛ anya!

² Oblɔtu kɛ duŋ kpii ebɔle lɛ kɛkpe! Emaŋtsɛ sɛi lɛ ma jalɛ kɛ jalɛ saneyeli nɔ.

³ La tsoɔ kɛnyiɛɔ ehiɛ, ni ekpãtãa ehenyɛlɔi ni bɔle lɛ lɛ ahiɛ.

⁴ Esrawai lɛ hãa jeŋ tseɔ, je lɛ naa enɛ, ni ekpokpoɔ.

⁵ Gɔji lɛ sereɔ tamɔ wo agbaku yɛ Yehowa hiɛ, yɛ shikpɔŋ muu lɛ fɛɛ Nuŋtsɔ lɛ hiɛ.

⁶ Ŋwɛi jajeɔ ejalɛ lɛ etsɔ̃ɔ, ni maji fɛɛ tswɛm naa enunyam lɛ.

⁷ Amãgã jalɔi fɛɛ, mɛi ni shwãa fɔ̃ɔ yakayaka amãgãi anɔ lɛ, ahiɛ aaagboi. Nyɛ nyɔŋmɔi fɛɛ tswɛm, nyɛkotoa Yehowa.

⁸ Oo Yehowa, Zion nu he, ni emii shɛ ehe; ni Yuda maji lɛ amli fili amɛ, yɛ okojomɔi lɛ ahewɔ.

⁹ Ejaakɛ Yehowa, bo ji Ofe, mɔ ni kwɔ fe nɔ fɛɛ nɔ yɛ shikpɔŋ lɛ nɔ. Awo onɔ gojoo kɛteke nyɔŋmɔi lɛ fɛɛ.

¹⁰ Nyɛ mɛi ni nyɛsumɔɔ Yehowa lɛ, nyɛnyɛa efɔŋ! Nuŋtsɔ lɛ baa emɛi anɔkwafoi lɛ awala yi; ehereɔ amɛyiwala kɛjeɔ mɛi fɔ̃ji adɛŋ.

¹¹ La aaakpɛ ahã jalɔ, ni miishɛɛ aaaba ahã mɔ ni ja yɛ etsuiŋ lɛ.

¹² Oo, nyɛ jalɔi, nyɛnyaa yɛ nɔ ni Yehowa efee hewɔ! Ni nyɛjiea egbɛi krɔŋkrɔŋ lɛ yi kɛ shidaa.