Lalai 93 - ŊMALƐ KRƆŊKRƆŊ LƐ

Yehowa ji Maŋtsɛ

¹ Yehowa miiye maŋtsɛ; ewula kɛ agbojee; Yehowa ewula; emia kɛ hewalɛ. No hewɔ lɛ, je lɛ ma shi shiŋŋ, ni anyɛŋ ahoso.

² Oo Yehowa, omaŋtsɛ sɛi lɛ ema shi shiŋŋ kɛjɛ teteete, ni bo oyɔɔ kɛjɛ naanɔ beebe.

³ Oo Yehowa, fai lɛ ewo amɛhe nɔ; fai lɛ ewo amɛgbee nɔ, fai lɛ ewo amɛhũumɔ lɛ nɔ.

⁴ Yehowa ni yɔɔ ŋwɛi lɛ je agbo fe fɛɛ. Eje agbo fe nui babaoo lɛ agbɛɛmɔ; efe ŋshɔkei ahewalɛ.

⁵ Yehowa, okpɔi lɛ anɔkwale ni, Owe lɛ he tse krɔŋkrɔŋ kɛyaashi naanɔ.