Lalai 91 - ŊMALƐ KRƆŊKRƆŊ LƐ

Nyɔŋmɔ ji wɔyibaalɔ

¹ Mɔ ni hiɔ Ŋwɛinyo lɛ teemɔhe lɛ, ni ehiɔ Ofe lɛ hɔɔŋ lɛ shishi lɛ,

² eeekɛɛ Yehowa akɛ, “Mibobaahe kɛ mimɔɔ ji bo, miNyɔŋmɔ hu ni mihiɛ kã enɔ.”

³ Ejaakɛ lɛ ebaajie bo kɛje henyɛlɔi adujiaŋ tsɔne kɛ gbele hela ni naa wa mli.

⁴ Ekɛ etsɛji aaaha onɔ, ni ooona abobaahe yɛ efiji ashishi. Enɔkwayeli lɛ, tsɛŋ kɛ dama ni.

⁵ Osheŋ nyɔɔŋ ŋmiŋmi loo gãimlibi ni atsɛ̃ shwane gbeyei;

⁶ loo gbele hela ni nyiɛɔ duŋ mli, loo hela ni kpãtãa mɔ hiɛ shwane lɛ.

⁷ Kɛji mɛi akpe nyɔ yɛ omasɛi, ni mɛi akpei nyɔŋma nyɔ yɛ oninejurɔ nɔ po lɛ, bo lɛ ebɛŋkɛŋ bo.

⁸ Ohiŋmɛi kɛkɛ okɛaakwɛ, ni ooona mɛi fɔ̃ji anyɔmɔwo.

⁹ Ejaakɛ okɛ Yehowa efee ohebulɔ; Ofee Ŋwɛinyo lɛ oteemɔhe,

¹⁰ no hewɔ lɛ, nɔ fɔŋ ko efeŋ bo, ni haomɔ ko haomɔ ko bɛŋkɛŋ oshihilɛhe lɛ.

¹¹ Ejaakɛ Nyɔŋmɔ aaawo ebɔfoi lɛ kitã yɛ ohewɔ ni amɛbu ohe, koni amɛbaa oyi yɛ he fɛɛ he ni oyaa.

¹² Amɛaahiɛ bo yɛ amɛdɛ̃, koni okaŋɔ onane oshi tɛ ko.

¹³ Ooonyiɛ jata kɛ shikpãa nɔ po, ooonaanaa jatabi kɛ jeŋ nɔ.

¹⁴ Mɛi ni sumɔɔ mi lɛ, majie amɛ, ni mɛi ni le migbɛi lɛ mabu amɛhe.

¹⁵ Kɛji amɛtsɛ mi lɛ, mahere amɛ nɔ. Mi kɛ amɛ aaahi shi yɛ haomɔ mli; mahere amɛ, ni mawo amɛhiɛ nyam.

¹⁶ Mahã amɛtɔ kɛ walasɛɛtsɛlɛ, ni mahã amɛna miyiwalaheremɔ lɛ.