Lalai 87 - ŊMALƐ KRƆŊKRƆŊ LƐ

Yerusalɛm yijiemɔ

Korahbii alala ko.

¹ Gɔŋ Krɔŋkrɔŋ lɛ nɔ maŋ ni Nuŋtsɔ lɛ to lɛ ma!

² Yehowa sumɔɔ Yerusalɛm maŋ lɛ fe Israel shihilɛhei fɛɛ!

³ Oo Naa Nyɔŋmɔ maŋ, agbaa ohe anunyam saji lɛ.

⁴ Matsi Ijipt kɛ Babilon tã mafata maji ni le mi lɛ ahe. Makane Filistibii kɛ Tirobii kɛ Kush mafata mɛi ni yɔɔ Yerusalɛm lɛ ahe. Ejaakɛ amɛaakɛɛ akɛ: “Mɔnɛ lɛ, lɛ lɛ, jɛi afɔ lɛ yɛ.”

⁵ Shi Zion lɛ, aaakɛɛ yɛ ehe akɛ, “Majimaji fɛɛ anɔ bii yɛ ni jɛi afɔ amɛ yɛ;” ni Ŋwɛinyo lɛ diɛŋtsɛ baahã ema shi shiŋŋ.

⁶ Yehowa aaaŋmala maŋ lɛŋ bii agbɛii ewo woloŋ akɛ Yerusalɛmbii.

⁷ Mɛi ni laa kɛ mɛi ni joɔ fɛɛ aaakɛɛ akɛ: “Wɔjɔmɔi fɛɛ kwa jɛɔ Zion.”