Lalai 82 - ŊMALƐ KRƆŊKRƆŊ LƐ

Nyɔŋmɔ nɔyelɔ kpele lɛ

Asaf lala ko.

¹ Naa Nyɔŋmɔ ta ŋwɛi gwabɔɔ wulu lɛŋ; eta nyɔŋmɔi lɛ ateŋ eekojo.

² “Mɛɛ beyinɔ nɔŋŋ nyɛaaye toikɔdɔmɔ sane, ni nyɛaakwɛ mɛi fɔ̃ji ahiɛiaŋ kɛyaashi?

³ Nyɛyea ohiafo kɛ awusã sane nyɛhãa amɛ; nyɛfãa nɔnalɔ kɛ mɔ ni bɛ mɔ ko lɛ he.

⁴ Nyɛherea gbɔjɔlɔ kɛ mɔ ni efi lɛ lɛ; nyɛjiea amɛ yɛ yiwalɔi adɛŋ.

⁵ “Amɛleee nii lɛ, amɛnuuu nii ashishi hu; dujiaŋ amɛnyiɛ ni jalɛ saneyeli etã yɛ shikpɔŋ lɛ nɔ.

⁶ Mi lɛ mikɛɛ akɛ, ‘nyɔŋmɔi ji nyɛ; Ŋwɛinyo lɛ bii ji nyɛ blublu kwa;’

⁷ kɛ̃lɛ nyɛbaagboi tamɔ gbɔmɛi adesai gboiɔ, nyɛbaanyɔnyɔɔ tamɔ abladei lɛ ekomɛi nɔŋŋ.”

⁸ Oo Nyɔŋmɔ, ba! Ba ni obaye je lɛ nɔ; ejaakɛ majimaji lɛ fɛɛ lɛ, onɔ ni.