Lalai 8 - ŊMALƐ KRƆŊKRƆŊ LƐ

Nyɔŋmɔ Agbojee kɛ gbɔmɔ anunyam

David Lala ni ekɛha lalatsɛ nukpa ni akɛ gbee ko ala.

¹ Oo Yehowa, wɔNuŋtsɔ, Ogbɛi lɛ je agbo yɛ shikpɔŋ muu lɛ fɛɛ nɔ! Okɛ onunyam eha ŋwɛi flooflo.

² Ohenyɛlɔi ahewɔ lɛ, osaa hewalɛ oto yɛ gbekɛbii kɛ abifabii anaa, bɔ ni afee ni ohã ohenyɛlɔi lɛ amua amɛnaa ni amɛfee diŋŋ.

³ Kɛ mikwɛ oŋwɛi kɛ onine naa nitsumɔi lɛ, nyɔɔŋtsere kɛ ŋulamii ni obɔ lɛ,

⁴ mɛni ji gbɔmɔ adesa ni ojwɛŋɔ ehe? Namɔ po ji gbɔmɔbi ni ogbaa ohenaa yɛ ehe?

⁵ Kɛ̃lɛ, shwɛ shrao ni ohã ekɛ bo Nyɔŋmɔ aye hegbɔ; ni okɛ anunyam kɛ woo efi lɛ akekre.

⁶ Bo ohã lɛ hegbɛ ni ekɛyeɔ onine naa nitsumɔi lɛ fɛɛ anɔ. Oŋɔ nibii nɛɛ fɛɛ oto enajiaŋshi ni eye amɛnɔ:

⁷ toi kɛ tsinai fɛɛ tswɛm kɛ ŋaŋ kooloi hu,

⁸ kɛ ŋwɛi loofɔji kɛ ŋshɔŋ loi fɛɛ kɛ bɔɔ nibii fɛɛ ni yɔɔ ŋshɔ mli hu.

⁹ Yehowa, wɔNuŋtsɔ, Ogbɛi lɛ je agbo yɛ shikpɔŋ muu lɛ fɛɛ nɔ.