Lalai 70 - ŊMALƐ KRƆŊKRƆŊ LƐ

Yelikɛbuamɔ he sɔlemɔ

David Lala kɛha kaimɔ afɔleshaa lɛ.

¹ Oo Naa Nyɔŋmɔ, ofainɛ heremɔ miyiwala! Oo Yehowa, ye obua mi nɔŋŋ!

² Hã mɛi ni taoɔ mi agbe lɛ ahiɛ agboi, ni amɛhiɛ ashwie shi. Mɛi ni taoɔ mi efɔŋ lɛ, hã ashwie amɛ koni amɛhe guɔ agbo.

³ Hã mɛi ni kɛɔ akɛ, “Yiɛ, Yiɛ!” lɛ aku amɛsɛɛ kɛ hiɛgbele.

⁴ Hã mɛi fɛɛ ni taoɔ osɛɛgbɛ lɛ anya; ni amɛmli afili amɛ yɛ ohewɔ. Hã mɛi fɛɛ ni sumɔɔ oyiwalaheremɔ lɛ akɛɛ daa akɛ, “Nyɔŋmɔ je agbo.”

⁵ Shi mi lɛ, minii yɛ mɔbɔ, ni efĩ mi. Oo Naa Nyɔŋmɔ, ba miŋɔɔ amrɔ nɛɛ nɔŋŋ. Bo ji mibualɔ kɛ miherelɔ! Oo Yehowa, kaatsɛ kwraa!