Lalai 63 - ŊMALƐ KRƆŊKRƆŊ LƐ

Shwee ni gbɔmɔ shweɔ Nyɔŋmɔ

David Lala be mli ni eyɔɔ Judah ŋa lɛ mli.

¹ Oo Naa Nyɔŋmɔ, bo ji miNyɔŋmɔ, miitao bo! Misusuma miiye ohe kumai, migbɔmɔtso miishwe bo, tamɔ shikpɔŋ ni egbi keketee shweɔ nu.

² Nɛkɛ mikwɛ bo gbɛ yɛ he krɔŋkrɔŋ lɛ, koni mana ohewalɛ kɛ onunyam lɛ.

³ Osuɔmɔ ni tsakeee ni hi fe wala tete po hewɔ lɛ makafo bo.

⁴ Bei abɔ ni mihiɛ kã nɛɛ lɛ, majie oyi; mahole miniji anɔ masɔle matsɛ bo.

⁵ Misusumɔ aaaye wuiaŋ fɔ etɔ, ni minaabu aaala miishɛɛ lala kɛjie oyi.

⁶ Kɛji mikai bo yɛ misaa nɔ lɛ, mijwɛŋɔ ohe nyɔɔŋnyɔɔŋ fɛɛ,

⁷ ejaakɛ bo ji miyelikɛbualɔ daa, ni ofiji ashishi hɔ̃ɔŋ lɛŋ mala kɛ miishɛɛ yɛ.

⁸ Misusuma kpɛtɛ bo gbagbalii, ni oninejurɔ hiɛ mimli tswɛ.

⁹ Shi mɛi ni taoɔ misusuma hiɛ amɛkpãtã lɛ, aaaya gbohiiaje bu kwɔŋkwɔŋ lɛŋ.

¹⁰ Amɛaanyɔnyɔi yɛ ta mli, ni amɛgbɔmɔtsei aaatsɔ̃mɔ ŋaŋgbei anaa loo.

¹¹ Shi maŋtsɛ lɛ aaanya yɛ Nyɔŋmɔ hewɔ. Mɔ fɛɛ mɔ ni woɔ shi yɛ Nyɔŋmɔ gbɛi mli aaanya, ejaakɛ aaahã amalelɔi amua amɛnaa.