Lalai 6 - ŊMALƐ KRƆŊKRƆŊ LƐ

Sɔlemɔ kɛhã yelikɛbuamɔ yɛ haomɔ beiaŋ

David Lala ni ekɛha lalatsɛ nukpa lɛ ni akɛ kpaa saŋku atswa yɛ Sheminth gbɛjianɔtoo naa.

¹ Oo Yehowa, kaakã mihiɛ yɛ omlifu mli, ni okɛ mlila hu akagbala mitoi.

² Oo Yehowa, naa mi mɔbɔ, ejaakɛ miigbɔjɔ. Oo Yehowa, tsa mi ejaakɛ miikpokpo kɛ gbeyei.

³ Misusuma hu miikpokpo naakpa. Shi ao Yehowa, kɛyaashi mɛɛbe?

⁴ Oo Yehowa, kuu osɛɛ, heremɔ miyiwala, baakpɔ̃ mi yɛ osuɔmɔ ni tsakeee lɛ hewɔ.

⁵ Ejaakɛ akaiii bo yɛ gbele mli; ni gbohiiaje hu namɔ aaajie oyi yɛ jɛi?

⁶ Etɔ mi kɛ kɛ̃ɛmɔ; mifɔɔ misaa tsɔtsɔɔtsɔ daa nyɔɔŋ kɛ yaafonu.

⁷ Awerɛhoo ehã mihiŋmɛi eshiu, ni mihenyɛlɔi lɛ ahewɔ lɛ, mihiŋmɛii anɔ eha.

⁸ Nyɛjea minɔ nyɛyaa, nyɛ mɛi fɛɛ ni nyɛtsuɔ nifɔɔjianii lɛ; ejaakɛ Yehowa enu miyaafo gbee lɛ.

⁹ Yehowa enu mifaikpamɔ lɛ, Yehowa ebo misɔlemɔ toi.

¹⁰ Mihenyɛlɔi lɛ fɛɛ ahiɛ aaagboi, ni amɛaahao naakpa. Amɛaaku amɛsɛɛ, ni amɛhiɛ aaagboi yɛ be kuku mli.