Lalai 57 - ŊMALƐ KRƆŊKRƆŊ LƐ

Yelikɛbuamɔ he sɔlemɔ

David Lala ni atswa yɛ Miktam gbɛjianɔtoo naa be mli ni ejo foi kɛjɛ Saul tɛkpolo lɛ mli.

¹ Naa mi mɔbɔ! Oo Nyɔŋmɔ, naa mi mɔbɔ, ejaakɛ bo abo misusuma baa nɛɛ. Ofiji ashishi hɔ̃ɔŋ lɛ mli maba abo yɛ kɛyaashi hiɛkpãtãmɔ ahum lɛ aaaho.

² Mibolɔɔ mitsɛɔ Nyɔŋmɔ ni yɔɔ ŋwɛi shɔŋŋ lɛ, Nyɔŋmɔ mɔ ni feɔ nii fɛɛ hãa mi lɛ.

³ Ebaatsu kɛjɛ ŋwɛi koni abahere miyiwala; ebaawo mɛi ni haoɔ mi lɛ hiɛgbele. Nyɔŋmɔ baajie esuɔmɔ ni tsakeee lɛ kɛ enɔkwale lɛ kpo etsɔ̃ɔ mi.

⁴ Mikã jatai ni kɛ hɔmɔ tserɛɔ gbɔmɛi amli ateŋ. Amɛnyanyɔji lɛ akplɔi kɛ gãimlibii ni; ni amɛlilɛii lɛ klantei ni naa ba ni.

⁵ Oo Naa Nyɔŋmɔ, awo onɔ gojoo kɛteke ŋwɛii amli ŋwɛi. Hã onunyam lɛ akple jeŋ muu lɛ fɛɛ.

⁶ Mihenyɛlɔi ŋmɛ mi yaa koni amɛdu mi; misusuma edɔ kɔmɔɔ kɛ awerɛho. Amɛtsa bu yɛ migbɛ nɔ, shi amɛ diɛŋtsɛ moŋ amɛyagbee mli.

⁷ Oo Naa Nyɔŋmɔ, omli hemɔkɛyeli ni miyɔɔ lɛ, ema shi shiŋŋ etsakeko kwraa! Mala, majie oyi!

⁸ Ohiɛ atsɛ̃, misusuma! Nyɛhiɛ atsɛ̃a, obenta kɛ saŋku! Mibahã je atsɛre mra.

⁹ Oo Nuŋtsɔ, mibada bo shi yɛ maŋbii lɛ ateŋ. Mibala kɛjie oyi yɛ jeŋ majimaji lɛ ateŋ.

¹⁰ Ejaakɛ osuɔmɔ ni tsakeee lɛ kwɔ kɛyashɛɔ ŋwɛi; ni onɔkwayeli yashɛɔ atatuiaŋ tɔ̃ɔ.

¹¹ Oo Naa Nyɔŋmɔ, awo onɔ gojoo kɛteke ŋwɛii amli ŋwɛi. Hã onunyam lɛ akple jeŋ muu lɛ fɛɛ.