Lalai 54 - ŊMALƐ KRƆŊKRƆŊ LƐ

Sɔlemɔ hã hebuu yɛ henyɛlɔi ahewɔ

Lala ko kɛha lalatsɛ nukpa ni atswa yɛ kpaa saŋku nɔ be mli ni Ziphitebii yakɛɛ Saul, “Ani David etee yɛ wɔteŋ?”

¹ Oo Naa Nyɔŋmɔ, okɛ ohewalɛ lɛ ahere miyiwala, ni okɛ ohewalɛ lɛ aye misane lɛ ohã mi.

² Oo Naa Nyɔŋmɔ, bo misɔlemɔ toi, feemɔ toi ohã midaaŋ wiemɔi lɛ.

³ Ejaakɛ ntɛŋfeelɔi ete shi ewo mi, yiwalɔi miitao mihiɛ amɛkpãtã, ejaakɛ jeee amɛhe sane ko ji Nyɔŋmɔ.

⁴ Shi Naa Nyɔŋmɔ ji miyelikɛbualɔ; Yehowa dɛŋ miwala yɔɔ.

⁵ Eeewo mihenyɛlɔi lɛ anyɔmɔ, yɛ amɛnifɔɔjianii lɛ ahewɔ. Ebaakpãtã amɛhiɛ, ejaakɛ anɔkwafo ji lɛ.

⁶ Mibashã tsuijurɔ naa afɔle mahã bo. Oo Yehowa, majie ogbɛi lɛ yi, ejaakɛ omli hi.

⁷ Ejaakɛ ohere mi kɛjɛ mihaomɔi lɛ fɛɛ amli, ni mihiŋmɛi ena mihenyɛlɔi anɔ kunim ni aye lɛ.