Lalai 46 - ŊMALƐ KRƆŊKRƆŊ LƐ

Nyɔŋmɔ kɛ wɔ yɛ

David Lala ko ni ekɛha lalatsɛ nukpa lɛ ni atswa yɛ Alamoth gbɛjianɔtoo naa.

¹ Naa Nyɔŋmɔ ji wɔbobaahe kɛ wɔhewalɛ, wɔyelikɛbualɔ krɔŋŋ yɛ fimɔ mli.

² No hewɔ lɛ, kɛji shikpɔŋ hiɛ tsɔ̃ bu shi, kɛji gɔji famɔ yagbee ŋshɔŋ teŋteŋ tete po lɛ, wɔsheŋ gbeyei.

³ Kɛji ŋshɔ lɛ hũu, ni efee hamahama; kɛji gɔji tete hoso yɛ ŋshɔ grimɔ naa po lɛ, wɔsheŋ gbeyei.

⁴ Faa ko yɛ ni eniji lɛ hãa Nyɔŋmɔ maŋ lɛ mii shɛɔ ehe. Ehãa Ŋwɛi flooflonyo lɛ shihilɛhe krɔŋkrɔŋ lɛ mii shɛɔ ehe.

⁵ Nyɔŋmɔ yɛ emaŋ lɛ mli; nɔ ko nɔ ko haŋ maŋ lɛ afite. Nyɔŋmɔ aaaye abua lɛ leebi maaŋkpa.

⁶ Majimaji lɛ feɔ hoo; maŋtsɛyelii lɛ hosoɔ. Nyɔŋmɔ woɔ egbee ni shikpɔŋ lɛ sereɔ.

⁷ Yehowa, Taiatsɛ lɛ, kɛ wɔ yɛ; Yakob Nyɔŋmɔ lɛ ji wɔbobaahe;

⁸ Nyɛbaa nyɛbakwɛa Yehowa nitsumɔi lɛ; Nyɛbakwɛa bɔ ni ehã hiɛkpãtãmɔ eba shikpɔŋ lɛ nɔ.

⁹ Ehãa tawuu sɛɛ foɔ kɛyashɛɔ shikpɔŋ lɛ naagbeehei lɛ. Ekumɔɔ gãii amli ni efiteɔ akplɔi. Ekɛ la shãa tsɛŋi lɛ.

¹⁰ “Nyɛfea dioo, ni nyɛnaa nyɛlea akɛ mi, mi ji Nyɔŋmɔ; Awo minɔ gojoo yɛ majimaji lɛ ateŋ, Awo minɔ gojoo yɛ shikpɔŋ muu lɛ fɛɛ nɔ.”

¹¹ Yehowa, Taiatsɛ lɛ, kɛ wɔ yɛ; Yakob Nyɔŋmɔ lɛ ji wɔbobaahe.