Lalai 4 - ŊMALƐ KRƆŊKRƆŊ LƐ

Gbɛkɛ sɔlemɔ kɛhã yelikɛbuamɔ

David Lala ni ekɛha lalatsɛ nukpa ni akɛ kpaa saŋku atswa.

¹ Mijalɛ Nyɔŋmɔ, kɛ mitsɛ lɛ heremɔ mi nɔ. Kɛ efi mi lɛ bo ofɛneɔ mi. Naa mi mɔbɔ, ni obo mifaikpamɔ toi.

² Nyɛ gbɔmɛi adesai, mɛɛ beyinɔ nyɛaagbe minunyam lɛ he guɔ kɛyaashi? Shii enyiɛ nɔŋŋ ni nyɛaasumɔ yakanii ni nyɛaatao amale sɛɛgbɛ?

³ Nyɛnaa nyɛlea akɛ Yehowa eŋɔ jalɔ lɛ ehã ehe; hewɔ lɛ kɛ́ mitsɛ lɛ lɛ, eboɔ mi toi.

⁴ Kɛji agba nyɛnaa lɛ, nyɛkafea esha; nyɛjwɛŋa enɛ he jogbaŋŋ yɛ nyɛsai anɔ, ni nyɛfea dioo.

⁵ Nyɛshãa afɔlei ni sa, ni nyɛŋɔa nyɛhiɛ nyɛfɔa Yehowa nɔ.

⁶ Mɛi pii kɛɔ akɛ, “Namɔ aaafee wɔ ejurɔ! Oo Yehowa, tse ohiɛ ohã wɔ.”

⁷ Ohã mimli efili mi aahu fe bɔ ni amɛbele kɛ amɛwain pii aaanyɛ ahã amɛmli afili amɛ.

⁸ Hejɔlɛ mli makã shi mawɔ yɛ, ejaakɛ bo, Yehowa, okoome pɛ ohãa mihiɔ shi shweshweeshwe.