Lalai 39 - ŊMALƐ KRƆŊKRƆŊ LƐ

Mɔ ni miipiŋ he eshajajemɔ

David Lala ni ekɛha lalatsɛ nukpa lɛ kɛha Jeduthun.

¹ Mikɛɛ akɛ, “Male mihenɔkwɛmɔ koni mikɛ mililɛi akafee esha. Mawo minaabu manyoflɛ; be mli ni mɛi fɔ̃ji yɔɔ mihiɛ nɛɛ.”

² Mitɔ mu, ni mitswaaa misɛŋ; mimua minaa, shi fɛɛ yakatswaa, mipiŋmɔ lɛ dɛŋ mi.

³ Mitsui mli miishã mi. Babaoo ni misusuɔ miyiŋ lɛ, babaoo ni mitsuimlishãa lɛ woɔ wu ji no; Kɛkɛ ni migbele minaa mikɛɛ

⁴ “Yehowa, hã male minaagbee, kɛ miwala gbii lɛ ayibɔ, bɔ ni ji, hã male tsɛ ni mitsɛŋ lɛ.”

⁵ Naa, ofee miwala gbii kuku lɛ tamɔ dɛ̃ lɛɛmɔ, ni miwala be lɛ, jeee nɔ ko nɔ ko yɛ ohiɛ. Bɔ fɛɛ bɔ ni gbɔmɔ adesa yɔɔ lɛ, kɛ efee floŋŋ tamɔ mɛ, lamɔ kɛkɛ ji lɛ.

⁶ Lɛɛlɛŋ, gbɔmɔ fɛɛ gbɔmɔ lɛ, ehoɔ eyaa tamɔ hɔɔŋ. Anɔkwa, egbaa ehe naa yakatswaa. Etĩaa nii anaa, tsɛbelɛ eleee mɔ ni baaye.

⁷ “Ni agbɛnɛ, Nuŋtsɔ, mɛni mimɛɔ? Mihiɛnɔkãmɔ fɛɛ ji bo.

⁸ Kpɔ̃ mi yɛ mitɔ̃mɔi lɛ fɛɛ amli; kaahã kwashia miibɔ mi ahora.

⁹ Mitɔ mu: mitswaaa misɛŋ, ejaakɛ bo ohã mipiŋ.

¹⁰ Kaagwao mi dɔŋŋ; yii ni oyiɔ mi lɛ, ehã migbede.

¹¹ Okãa gbɔmɛi adesai ahiɛ yɛ esha hewɔ, ni ofiteɔ nɔ fɛɛ nɔ ni jara wa hã amɛ tamɔ omlɛgɛ fiteɔ nii. Lɛɛ lɛŋ, gbɔmɔ lɛ lamɔ kɛkɛ ji lɛ. Sela

¹² Oo Yehowa, bo mifaikpamɔ lɛ toi ni ofee toi ohã mikɔmɔyeli lɛ. Mihiɛ yaafonu lɛ hewɔ lɛ kaamua onaa; ejaakɛ oshikpɔŋ nɛɛ nɔ gbɔ kɛkɛ ji mi, mɔkpɔŋ tamɔ mitsɛmɛi lɛ nɔŋŋ.

¹³ Foo omlifu lɛ sɛɛ koni mana miishɛɛ fioo dani mashi biɛ maya.”