Lalai 38 - ŊMALƐ KRƆŊKRƆŊ LƐ

Mɔ ni ehao sɔlemɔ

David Lala kɛha kaimɔ afɔle.

¹ Oo Yehowa, kaakã mi yɛ omlifu naa, ni kaagbala mitoi yɛ omlila naa,

² ejaakɛ ogãimlibii lɛ etsulɔ mimli, ni onine etsii yɛ minɔ.

³ Omlifu hewɔ lɛ, mihewojiaŋ ejɔɔɔ mi; mihe eshai ewo mi hela.

⁴ Ejaakɛ minishaianii lɛ esu mi, etamɔ jatsu ni tsii yɛ minɔ.

⁵ Mikwashiafeemɔ hewɔ lɛ, mifaji lɛ ekpɔtɔ, amɛmiije fu.

⁶ Midɔ kɔmɔɔ ni mikumɔ, jenamɔ muu fɛɛ lɛ minyiɛ mɔbɔmɔbɔ.

⁷ Ejaakɛ mihɛ mli miishã mi, ni mibɛ gbɔmɔtsoŋ hewalɛ.

⁸ Migbɔjɔ, ni mikumɔ kwraa; mitsui miiwa mihe, no hewɔ ni mikɛ̃mɔɔ lɛ.

⁹ Nuŋtsɔ, ole mishwee nii fɛɛ; mihuumɔ lɛ, akɛ teko bo.

¹⁰ Mitsui tswaa kplakpla; mihewalɛ miitã; ni mihiŋmɛii amli la egbo.

¹¹ Minanemɛi kɛ misuɔlɔi tsiɔ amɛhe kɛjeɔ mihe yɛ mihe faji lɛ ahewɔ; ni miwekumɛi hu damɔɔ sɛɛ flɛŋŋ.

¹² Mɛi ni taoɔ mihiɛ akpãtã lɛ, etsɔ̃ amɛtsɔnei lɛ. Mɛi ni taoɔ mi awui aye lɛ amɛkɛ amɛlilɛi fiteɔ mi, ni amɛkpãŋɔ miyinɔ be fɛɛ be.

¹³ Mitamɔ toimulɔ, minuuu nii; ni mitamɔ mumui, minyɛɛɛ mawie.

¹⁴ Hɛɛ! Mitamɔ mɔ ko ni nuuu nii, mɔ ni nyɛɛɛ sane po naa ejie.

¹⁵ Shi kɛ̃lɛ, bo Yehowa, onɔ mihiɛ kã. Oo Yehowa, miNyɔŋmɔ, bo obaahã mi hetoo.

¹⁶ Shi mifaikpamɔ ji akɛ, kɛ mishane migbee shi lɛ, kaahã mihenyɛlɔi, mɛi ni woɔ amɛhe nɔ yɛ minɔ lɛ, miiye mi yɔɔ.

¹⁷ Shi mi lɛ, miihe magbee shi, ni mikãhe miipiŋ lolo.

¹⁸ Miijaje mitɔ̃mɔ lɛ; mihe esha lɛ miidɔ mi naakpa.

¹⁹ Mɛi ni nyɛɔ mi yakatswaa lɛ, amɛhe wa fe mi; ni mɛi ni he tsɛ̃ɔ mi efolo lɛ, ayi fa naakpa.

²⁰ Mɛi ni ŋɔɔ efɔŋ toɔ ekpakpa ni mifeɔ najiaŋ lɛ, ete shi ewo mi; ejaakɛ mi lɛ, mifeɔ ekpakpa.

²¹ Oo Yehowa, kaakwa mi; Oo miNyɔŋmɔ, okɛ mi teŋ akajekɛ.

²² Oo Nuŋtsɔ, miyiwalaherelɔ, ofainɛ, ba mramra ni obaye obua mi.