Lalai 34 - ŊMALƐ KRƆŊKRƆŊ LƐ

Nyɔŋmɔ Mlihilɛ yijiemɔ

David Lala be mli ni etsake ejwɛŋmɔ ni eshwie lɛ.

¹ Majie Yehowa yi be fɛɛ be; eyijiemɔ aaakã midaaŋ daa nɛɛ.

² Mishwãa mifɔ̃ɔ Yehowa nɔ. Mɛi ni ayeɔ amɛ amim anu he, koni amɛmii ashɛ amɛhe.

³ Oo, nyɛ kɛ mi akafoa Yehowa agbojee, ni nyɛhãa wɔfea ekome kɛjiea egbɛi lɛ yi!

⁴ Mitao Yehowa sɛɛgbɛ, ni ehere mi nɔ; ni ejie mi kɛje migbeyeishemɔ fɛɛ mli.

⁵ Ŋɔɔ ohiɛ ofɔ̃ enɔ, ni ohiɛ eshwieŋ shi gbi ko gbi ko, shi moŋ ohiɛ aaaba nyam.

⁶ Ohiafo bolɔ etsɛ Yehowa, ebo lɛ toi, ni ehere lɛ kɛjɛ ehaomɔi fɛɛ amli.

⁷ Mɛi ni sheɔ Yehowa gbeyei lɛ Yehowa bɔfo lɛ bɔleɔ amɛhe kɛkpeɔ, ni ejieɔ amɛ.

⁸ Nyɛsaa nyɛnaa nyɛkwɛa, ni nyɛaana akɛ Yehowa ŋɔɔ. Ajɔɔ gbɔmɔ ni baa lɛ abo lɛ.

⁹ Nyɛshea Yehowa gbeyei, nyɛ emɛi krɔŋkrɔŋi lɛ; ejaakɛ mɛi ni sheɔ lɛ gbeyei lɛ, nɔ ko nɔ ko fiŋ amɛ.

¹⁰ Efĩɔ jatabii ni hɔmɔ yeɔ amɛ; shi mɛi ni taoɔ Yehowa sɛɛgbɛ lɛ, nɔ kpakpa ko ehiaŋ amɛ.

¹¹ Oo mibii, nyɛbaa, nyɛboa mi toi; mibatsɔ̃ɔ nyɛ bɔ ni asheɔ Yehowa gbeyei ahãa.

¹² Namɔ taoɔ akɛ eyi ana wala? Namɔ sumɔɔ akɛ etsɛ yɛ jeŋ ni ena nɔ kpakpa?

¹³ Mɔ olilɛi mli ni ekafee efɔŋ; mɔ onaabu hu mli ni ekamale.

¹⁴ Wii ohe kɛje efɔŋ he, ni ofee ekpakpa. Taomɔ toiŋjɔlɛ ni onyiɛ no sɛɛ.

¹⁵ Yehowa hiŋmɛi kã jalɔi ahe, ni efeɔ toi ehãa amɛblɔmɔi.

¹⁶ Yehowa jieɔ ehiɛ ekaa efɔŋfeelɔi, koni akakai amɛ kwraa yɛ shikpɔŋ lɛ nɔ.

¹⁷ Kɛ jalɔi fo tsɛ Yehowa lɛ, eboɔ amɛ toi; ni ehereɔ amɛ kɛjɛɔ amɛfimɔi fɛɛ amli.

¹⁸ Yehowa bɛŋkɛɔ mɛi ni hiɛnɔkãmɔ etã, ni ehereɔ mɛi ni werɛ eho amɛhe lɛ.

¹⁹ Jalɔ naa amanehulu babaoo, shi Yehowa jieɔ lɛ kɛjɛɔ fɛɛ mli.

²⁰ Ebaa ewui ayi shweshweeshwe; ewu kome folo nɛkɛ ekuŋ.

²¹ Efɔŋ nɔŋŋ aaagbe efɔŋfeelɔ, ni mɔ ni nyɛɔ jalɔ lɛ aaabu lɛ fɔ.

²² Yehowa hereɔ etsuji ayiwala; ni mɛi ni baa lɛ abo lɛ, ebuŋ amɛteŋ mɔ ko mɔ ko fɔ.