Lalai 26 - ŊMALƐ KRƆŊKRƆŊ LƐ

Gbɔmɔ kpakpa ko sɔlemɔ

David Lala ko.

¹ Oo Yehowa, buu mi bem, ejaakɛ miiba mijeŋ jogbaŋŋ, ni mikɛ mihiɛ fɔ̃ɔ Yehowa nɔ kwraa ni migbaŋ afã.

² Oo Yehowa, taomɔ mimli ni oka mi okwɛ. Kaa mitsui kɛ mijwɛŋmɔ,

³ ejaakɛ osuɔmɔ ni tsakeee lɛ yɛ mihiɛ be fɛɛ be, ni minyiɛɔ yɛ onɔkwale lɛ mli.

⁴ Mikɛ yakayaka gbɔmɛi taraaa shi; ni mikɛ osatofoi hu ebɔɔɔ.

⁵ Minyɛɔ mɛi fɔ̃ji agwabɔɔ lɛ, ni mikɛ yiwalɔi hu taraaa shi.

⁶ Oo Yehowa, mifɔɔ midɛ̃ kɛtsɔ̃ɔ akɛ miyeko sɔ̃ ko, ni mibɔleɔ ofɔleshãa latɛ lɛ mijaa bo.

⁷ Milaa shidaa lala waa, ni migbaa onaakpɛɛ nitsumɔi lɛ fɛɛ.

⁸ Oo Yehowa, misumɔɔ owe he ni ohiɔ lɛ, kɛ he ni onunyam lɛ yɔɔ lɛ.

⁹ Kaakpãtã mihiɛ oshi eshafeelɔi anɔ, ni kaakpãtã miwala hiɛ ofata láshishwielɔi ahe.

¹⁰ Kaaŋɔ mi ofata mɛi ni feɔ nifɔɔjianii, ni amɛheɔ nyɔɔŋnii lɛ ahe.

¹¹ Shi mi lɛ, mibaa mijeŋ jogbaŋŋ yɛ emuuyeli mli; heremɔ mi, ni ona mi mɔbɔ.

¹² Midamɔ he ni yɔɔ shweshweeshwe. Majie Yehowa yi, yɛ gwabɔɔ kpele lɛ mli.