Lalai 23 - ŊMALƐ KRƆŊKRƆŊ LƐ

Yehowa ji mikwɛlɔ

David Lala ko.

¹ Yehowa ji mikwɛlɔ nɔ ko nɔ ko ehiaŋ mi.

² Ehãa mibuɔ shi yɛ lɛɛhei ni yɔɔ frɔ̃frɔ̃. Ewaa mi kɛyaa nui ni he jɔ lɛ ahe.

³ Ehãa minaa hewalɛ hee. Ekpalaa mi kɛtsɔ̃ɔ jalɛ gbɛi anɔ yɛ egbɛi lɛ hewɔ.

⁴ Asaŋ kɛ minyiɛ gbele hɔ̃ɔŋ jɔɔ lɛŋ tete lɛ, misheŋ efɔŋ ko gbeyei, ejaakɛ okɛ mi yɛ. Otookplamɔtso kɛ odɛhiɛmɔtso lɛ, nomɛi shɛjeɔ mimii.

⁵ Oŋmɛɔ mi okplɔ̃ yɛ mihenyɛlɔi ahiɛ. Okɛ mu fɔɔ miyitso mikpulu lɛ eyi kɛteke nɔ.

⁶ Lɛɛlɛŋ, ejurɔyeli kɛ omɔbɔnalɛ aaanyiɛ misɛɛ yɛ miwala be lɛ fɛɛ mli; ni asaŋ, mahi Yehowa we lɛ miwala gbii abɔ fɛɛ.