Lalai 20 - ŊMALƐ KRƆŊKRƆŊ LƐ

Kunimyeli he sɔlemɔ

David Lala ni ekɛha lalatsɛ nukpa lɛ.

¹ Yehowa abo bo toi yɛ ofimɔ gbi lɛ nɔ! Yakob Nyɔŋmɔ lɛ abu ohe.

² Ejɛ ehe Krɔŋkrɔŋ lɛ eye ebua bo, ni ejɛ Zion ewaje bo.

³ Ekai afɔlei lɛ fɛɛ kwa, ni oshãa afɔlei lɛ asa ehiɛ.

⁴ Ehã bo nii ni otsui shweɔ lɛ, ni ehã oyiŋtoi fɛɛ aba mli.

⁵ Wɔɔbɔ oshe kɛ nyamɔ yɛ okunimyeli hewɔ; ni wɔNyɔŋmɔ lɛ gbɛi mli wɔɔshi wɔflaŋai yɛ. Yehowa ahã bo nɔ fɛɛ nɔ ni obiɔ lɛ.

⁶ Agbɛnɛ mina mile akɛ Yehowa yeɔ ebuaa maŋtsɛ ni efɔ lɛ mu lɛ, ni eeejɛ eŋwɛi krɔŋkrɔŋ lɛ ebo lɛ toi, ni Yehowa aaahã lɛ hewalɛ ni ekɛye kunim.

⁷ Mɛi komɛi shwãa fɔ̃ɔ tayaa shwiilii anɔ, ni mɛi komɛi hu okpɔŋɔi anɔ; shi wɔ lɛ, Yehowa, wɔNyɔŋmɔ lɛ, hewalɛ nɔ wɔshwãa wɔfɔ̃ɔ.

⁸ Nakai mɛi lɛ, amɛaatswia shi, ni amɛaanyɔnyɔi; shi wɔ lɛ, wɔɔte shi, wɔɔdamɔ shi shiŋŋ.

⁹ Oo Yehowa, hã maŋtsɛ lɛ aye kunim; kɛ wɔfo wɔtsɛ bo lɛ, heremɔ wɔ nɔ.